Jorhat Fire:
দীপাৱলী আনন্দ উৎসৱৰ মাজতে যোৰহাট চহৰৰ ভোগদৈ মছজিদৰ সমীপত শুকুৰবাৰে নিশা সংঘটিত হয় এক বিধ্বংসী অগ্নিকাণ্ড।
এ টি ৰোডৰ কাষত থকা কে’বাখনো ব্যৱসায়িক প্ৰতিষ্ঠানত শুকুৰবাৰে নিশা এঘাৰ বজাত জুইৰ সূত্ৰপাত হয় ৷ এই জুয়ে পলকতে বিয়পি পৰে ব্যৱসায় প্ৰতিষ্ঠানৰ লগতে থকা আন বাসগৃহলৈ ৷ বিধ্বংসী জুইৰ বাবে শুই থকা অৱস্থাতে অগ্নিদগ্ধ হৈ মৃত্যু হয় সুশীল ৰয় নামৰ লোক এজনৰ ৷ মৃত সুশীল ৰয়ৰ ঘৰ বিহাৰৰ সীতামাৰীত।
আনহাতে অগ্নিকাণ্ডৰ খবৰ পোৱাৰ পিছতে অগ্নি নিৰ্বাপক বাহিনীৰ কেইবাখনো গাড়ীয়ে জুই নিৰ্বাপণ কৰে। উল্লেখ্য যে উদ্থাপিত অভিযোগ অনুসৰি অগ্নিকাণ্ডৰ খবৰ পোৱাৰ পিছতো ঘটনাস্থলীত পলমকৈহে উপস্থিত হয় অগ্নি নিৰ্বাপক বাহিনীৰ গাড়ী ৷