Rash Festival In Bhaoraguri 1no Baruahpara:
কোকৰাঝাৰ জিলাৰ গোসাঁইগাওঁ মহকুমাৰ ভাওঁৰাগুৰীৰ ১নং বৰুৱাপাৰাৰ শিল্পীনগৰতস্থিত ভাওঁৰাগুৰী বিন্যাখাতা উচ্চতৰ মাধ্যমিক বিদ্যালয়ৰ খেলপথাৰত প্ৰতি বছৰৰ দৰে এইবেলিও উদয়ন ক্লাৱৰ উদ্যোগত ১৩ দিনীয়াকৈ ৰাস মহোৎসৱৰ লগতে মেলাৰ আয়োজন কৰে। আজি উক্ত ৰাস মহোৎসৱৰ লাইখুটা স্থাপন কৰে।
আজিৰ অনুষ্ঠানত মূখ্য অতিথি হিচাপে বিশিষ্ট সমাজকৰ্মী ৰিকেশ আগৰৱালা উপস্থিত থাকি শান্তি-সম্প্ৰীতি আৰু ভাতৃত্ববোধৰ মাজেৰে সকলোকে সহায়-সহযোগিতাৰ মাধ্যমেৰে অনুষ্ঠানটো সাফল্যমণ্ডিত কৰিবলৈ আহ্বান জনায়।
উল্লেখযোগ্য যে ১৫ নবেম্বৰৰ পৰা ২৭ নবেম্বৰ লৈকে চলিব লগা ৰাস মহোৎসৱৰ মেলাত নাগৰদলা,ব্ৰেক ডেঞ্চ,ড্ৰাগন আদি বিভিন্ন ধৰণৰ দোকান পোহাৰ, খোৱা-লোৱাৰ ৰেষ্টুৰেণ্ট থকাৰ লগতে পশ্চিমবংগৰ উন্নতমানৰ আলোকসজ্জাৰে সজ্জিত কৰি তুলিব বুলি আয়োজক সমিতিয়ে জানিবলৈ দিয়ে। সকলো ৰাইজকে জাতি ধৰ্ম বৰ্ণ নিৰ্বিশেষে উক্ত ৰাস মহোৎসৱত উপস্থিত হৈ অনুষ্ঠানটো সাফল্যমণ্ডিত কৰিবলৈ আহ্বান জনায় আয়োজক সমিতিয়ে।