Use matte lipstick like this in winter:
শীতৰ প্ৰভাৱ শৰীৰৰ ছালত সর্বাধিক পৰে। শীতত ওঁঠ ফটাৰ সমস্যাত সকলো লোকেই ভোগে। শুকান ওঁঠত লিপবাম ব্যৱহাৰ কৰিব লগা হয়। মহিলাসকলে শীতত লিপষ্টিক ব্যৱহাৰৰ ক্ষেত্ৰত এক সমস্যাৰ সম্মুখীন হয়। লিপস্টিক ব্যৱহাৰৰ ফলত ওঁঠ অধিক শুকান হৈ ফাটিবলৈ ধৰে। বিশেষকৈ শীতত মেট লিপষ্টিক লগালে ওঁঠ ফটা সমস্যা বাঢ়িবলৈ ধৰে।
দৰাচলতে মেট লিপষ্টিকত অধিক পৰিমাণত মম, ৰং থাকে আৰু তেলৰ মাত্রা কম থাকে। মেট লিপষ্টিক ওঁঠত দীর্ঘ সময় অটুট থাকে, কিন্তু এই লিপষ্টিকত তেল কম থকাৰ ফলত ওঠ শুষ্ক হৈ পৰে। ইয়াৰ পাছতো মেট লিপষ্টিকৰ প্ৰলন অধিক আৰু অভিনেত্ৰীৰ পৰা আৰম্ভ কৰি সকলো মহিলাই মেট লিপষ্টিক লগাবলৈ ভাল পায়। শীতৰ সময়ছোৱাত যদি মেট লিপষ্টিক ব্যৱহাৰ কৰে, তেন্তে তলত দিয়া পদ্ধতি অৱলম্বন কৰিলে ওঁঠ ফটাৰ সমস্যাৰ পৰা সকাহ লাভ কৰিব |
➡️ মেট লিপষ্টিক ব্যৱহাৰৰ পূৰ্বে ওঁঠত লিপবাম ভালদৰে লগাওক। কাৰণ লিপ বাম লগালে ওঁঠত ছাল আর্দ্রকোমল হৈ থাকে। ফলত লিপষ্টিক লগালে ওঁঠ ফটাৰ শংকা নাথাকে।
➡️ মুখমণ্ডলৰ দৰে ওঁঠতো লিপষ্টিক লগোৱাৰ পূৰ্বে লিপ প্ৰাইমাৰ ব্যৱহাৰ কৰক। ইয়াৰ ফলত দীর্ঘ সময় লিপষ্টিক অটুট থাকিব আৰু ওঁঠ ফটাৰ সমস্যাও নহ’ব।
➡️ ওঁঠৰ যতন শীতত ছালৰ দৰেই নিতৌ লোৱা জৰুৰী। ওঁঠত নিতৌ মইশ্বৰাইজাৰ ব্যৱহাৰ কৰক। মইশ্বৰাইজাৰ লগাই কিছু সময় ওঁঠ লাগে লাহে মালিচ কৰক।
➡️ ওঁঠ কোমল আৰু আৰ্দ্ৰ কৰিবলৈ নাৰিকল তেলো ব্যৱহাৰ কৰিব পাৰিব। নাৰিকল তেলৰেও শীতত ওঁঠ মালিচ কৰিব পাৰি।
➡️ ওঁঠ নিয়মীয়াকৈ শীতকালত স্ক্রাব কৰা জৰুৰী। ঘৰতে আপুনি নাৰিকল তেল, ব্রাউন ভুগাৰ, বা কফি আৰু মৌ মিহলাই প্রাকৃতিক স্ক্রাব তৈয়াৰ কৰি দুই ওঁঠত ব্যৱহাৰ কৰিব পাৰিব। সপ্তাহত দুই-তিনিবাৰ এইদৰে ওঁঠ স্ক্রাব কৰিলে উপকাৰ লাভ কৰিব আৰু মেট লিপষ্টিক লগালেও ওঁঠ শুকান হোৱাৰ আৰু ফটাৰ সমস্যাই দেখা নিদিব।
