স্মাৰ্ট আৰক্ষীৰ স্বৰূপ উদং খালে পুনৰ । আৰক্ষীৰ চকুত ধুলি ছটিয়াই পুনৰ পলায়ন আচামীৰ । সোমবাৰে পুৱাই নগাঁও সদৰ থানাৰ পৰা পলাল ধৃত আচামী । চুৰিৰ অভিযোগত এম এছ ৰোডৰ পৰা দেওবাৰে নিশা আটক কৰা হৈছিল ফাৰুক আখতাৰ নামৰ আচামীটোক ।
তাৰ পিছতেই আজি পুৱা আৰক্ষীৰ ব্যস্ততাৰ সুযোগ লৈ থানাৰ পৰা পলায়ন কৰে আচামীটোৱে । উল্লেখ্য যে সোমবাৰে আদালতত হাজিৰ কৰাৰ কথা আছিল আচামীটোক । কিন্তু তাৰ পূৰ্বেই পলাই পত্ৰং দিলে আচামীয়ে ।
অৱশ্যে সময়ে সময়ে ৰাজ্যৰ ভিন্ন প্ৰান্ত থানাৰ পৰা প্ৰায়েই আচামী পলায়ন হোৱাৰ ঘটনা সংঘটিত হৈ আহিছে । তাৰ পিচতো যেন কাণসাৰ নাই স্মাৰ্ট আৰক্ষীৰ ।
লগতে পঢ়ক : Digital Arrest Gang Arrested In Guwahati:মহানগৰীত উৎখাত বৃহৎ চাইবাৰ অপৰাধী চক্ৰ