Tinsukia Forest-Police Raid :তিনিচুকীয়াৰ তৰাণী সংৰক্ষিত বনাঞ্চলত নিশা আৰক্ষী-বন বিভাগৰ অভিযান

তিনিচুকীয়াৰ জিলাৰ পেঙেৰীৰ তৰাণী সংৰক্ষিত বনাঞ্চলত নিশা আৰক্ষী-বন বিভাগৰ অভিযান । অভিযানৰ সময়ত বৃহত পৰিমাণৰ কুন্দাসহ এখন জেচিবি আৰু কুন্দাভৰ্তি এখন ট্ৰাক জব্দ ।

AS 25 EC 4196 নম্বৰৰ এখন JCB আৰু AR 20 8134 নম্বৰৰ এখন ট্ৰাক জব্দ কৰিছে পেঙেৰী আৰক্ষীৰ লগতে পেঙেৰী খাটাংপানী আঞ্চলিক বন বিভাগে ।

পেঙেৰীৰ তৰাণী সংৰক্ষিত বনাঞ্চলৰ বৃহৎ-বৃহৎ আকাৰৰ বহু মূল্যৱান গছ কাটি এক ৰমৰমীয়া ব্যৱসায় চলাই আহিছিল চক্ৰটোৱে । আৰক্ষী-বন বিভাগৰ অভিযানৰ উমান পাই বনাঞ্চলৰ পৰা কাঠ মাফিয়াৰ দলটো পলায়ন কৰে যদিও মৃদুল বড়া উপাধিৰ কাকপথাৰৰ কাঠ মাফিয়া চক্ৰটোৰ সেনাপতি এজনক আৰক্ষী আৰু বন বিভাগে কৰায়ত্ত কৰিবলৈ সক্ষম হয়।