Hand grenades and detonators recovered in Sonitpur: শোণিতপুৰত হেণ্ড গ্ৰেনেড আৰু ডিটনেটৰ উদ্ধাৰ

Hand grenades and detonators recovered in Sonitpur:

শোণিতপুৰত গোপনে লুকুৱাই থোৱা অৱস্থাত আৰক্ষীয়ে উদ্ধাৰ কৰে হেণ্ড গ্ৰেণেড আৰু ডিটনেটৰ ৷ শোণিতপুৰ আৰক্ষীয়ে প্ৰকাশ কৰা অনুসৰি,নিৰ্ভৰযোগ্য সূত্ৰৰ তথ্যৰ ভিত্তিত জিলাখনৰ অসম অৰুণাচল সীমান্তৱৰ্তী তথা বাতাচী পুৰৰ উদাংশ্ৰী গাঁৱত থকা এখন ৰবৰ বাগিছাৰ জংঘলৰ মাজত পুতি থোৱা অৱস্হাত উদ্ধাৰ কৰা হয় পাঁচটা ৩৬ হেণ্ড গ্ৰেণেড আৰু পাঁচটা ডিটনেটৰ ৷

ঢেকিয়াজুুলি আৰক্ষী থানা অধীনস্থ এক অঞ্চলটোত উদ্ধাৰ হোৱা পলিথিন বেগৰ ভিতৰত মেৰিয়াই পুতি থোৱা আছিল ৷ আৰক্ষীৰ লগতে কমাণ্ডোৰ এটা দলে অভিযান চলাই এই অস্ত্ৰ -শস্ত্ৰ সমূহ উদ্ধাৰ কৰে ৷ সম্প্ৰতি ঢেকিয়াজুলি থানাত ৰখা জব্দকৃত এই অস্ত্ৰ শস্ত্ৰ সমূহ কোনে এইদৰে ৰাখিছিল সেয়া আৰক্ষীয়ে নিশ্চিত কৰা নাই যদিও কোনো উগ্ৰপন্থী সংগঠনৰ সদস্যয়েই পূৰ্বে এইসমূহ এনেদৰে পুতি থোৱা বুলি আশংকা কৰা হৈছে ৷