এখন তীব্ৰবেগী বিলাসী বাহন, মহটিয়ালে ৬৮ ৰো অধিক লোকক

সমাগত বৰদিন । বৰদিনৰ উপলক্ষে দেশে-বিদেশে ব্যাপক উছাহ । কিন্তু এইখন ঠাইৰ বৰদিনৰ বজাৰত এখন তীব্ৰবেগী বিলাসী বাহনে ত্ৰাসৰ সৃষ্টি কৰিছে । জাৰ্মানীৰ বৰদিনৰ বজাৰত তীব্ৰবেগী বাহনে মহটিয়াই নিলে ৬৮ ৰো অধিক লোকক।

জানিব পৰা অনুসৰি জাৰ্মানীৰ মেগডেবাৰ্গত বৰদিনৰ বজাৰত এখন অনিয়ন্ত্ৰিত বিএমডব্লিউ বাহনে এফালৰ পৰা মহটিয়াই নিলে প্ৰায় ৬৮ গৰাকীৰো উৰ্ধৰ লোকক । এই ঘটনাত শিশুসহ দুজন লোকে থিতাতে প্ৰাণ হেৰুৱাইছে আনহাতে আহত হৈছে ৬৮ জনৰো অধিক লোক। শুকুৰবাৰে সন্ধিয়া সংঘটিত হোৱা এই ভয়ংকৰ ঘটনাৰ সমগ্ৰ দৃশ্য চিচিটিভি কেমেৰাত বন্দী হৈছে । এই ঘটনাৰ পিছতে বজাৰখনত হাহাকাৰ পৰিস্থিতিৰ সৃষ্টি হৈছে ।

এই ঘটনাৰ খবৰ লাভ কৰাৰ লগে লগেই ঘটনাস্থলীত আৰক্ষী উপস্থিত হৈ বাহনখনৰ চালকগৰাকীৰ গ্ৰেপ্তাৰ কৰিছে । লোকজন চৌদি আৰৱীয়ান লোক বুলি জানিব পৰা গৈছে ।