ৰাজ্যজুৰি অনুষ্ঠিত হৈছে গুণোৎসৱ । ২০২৫ ৰ ১৮ জানুৱাৰীত ৰাজ্যৰ কেইবাখনো বিদ্যালয়ৰ লগতে নলবাৰী জিলাৰ অগ্ৰণী শিক্ষানুষ্ঠান বনভাগ ঘোঁহকুছি হাইস্কুলত প্ৰাক-গুণোৎসৱ অনুষ্ঠিত হয় । প্ৰাক-গুণোৎসৱৰ উপলক্ষে ডায়েট, নলবাৰীৰ (কৰিয়া) জ্যেষ্ঠ প্ৰবক্তা কুলদীপ মজুমদাৰে বিদ্যালয়ত উপস্থিত হৈ ছাত্ৰ-ছাত্ৰীৰ মাজত শিক্ষক-শিক্ষয়িত্ৰীসকলক মেণ্টৰ হিচাপে লটাৰীযোগে শিক্ষাৰ্থীৰ শিক্ষন ঘাটি পূৰণ কৰাৰ বাবে এক পৰিকল্পনা হাতত লয় ।
লগতে তেওঁ বহিঃমূল্যায়ক হিচাপে বিদ্যালয়খন পৰীক্ষণ কৰে । নলবাৰী জিলাৰ শিক্ষা বিভাগৰ অতিৰিক্ত উপায়ুক্ত ৰাজীৱ কুমাৰ দাস আৰু নলবাৰী জিলা পৰিমণ্ডলৰ বিদ্যালয়সমূহৰ পৰিদৰ্শক জয়ন্ত ঠাকুৰীয়াই প্ৰাক-গুণোৎসৱৰ কাৰ্যসূচী সফল হোৱাৰ বাবে ধন্যবাদ জ্ঞাপন কৰে।