Nalbari District Commissioner Barnali Deka is in trouble:
বিপদত নলবাৰী জিলা জিলাৰ আয়ুক্ত বৰ্ণালী ডেকা ৷ জ্যেষ্ঠ আই পিএছ বিষয়া গৰাকীৰ বিৰুদ্ধে আৰক্ষীক তৎকালেই গোচৰ ৰজু কৰিব নিৰ্দেশ নলবাৰী মুখ্য ন্যায়িক দণ্ডাধীশৰ আদালতৰ ৷
উল্লেখ্য যে, পশ্চিম নলবাৰী ৰাজহ চক্ৰ বিষয়া অপৰ্ণা শৰ্মাই চিজিএম আদালতত দাখিল কৰা এক গোচৰৰ শুনানি গ্ৰহণ কৰি এই নিৰ্দেশ জাৰি কৰে চিজিএম আদালতে ৷
স্মতৰ্ৱ্য যে,চলিতবৰ্ষৰ মাজভাগত অনুষ্ঠিত হৈ যোৱা লোকসভা নিৰ্বাচনৰ ৭ মে’ৰ নিশা নলবাৰী চহৰৰ সংশ্লিষ্ট ষ্ট্ৰংৰোমত জিলা আয়ুক্ত বৰ্ণালী ডেকা আৰু নিলম্বিত এচিএছ বিষয়া অৰ্পণা শৰ্মাৰ মাজত কথাৰ কটাকটি হৈছিল ৷ উদ্থাপিত অভিযোগ মতে আয়ুক্ত গৰাকীয়ে তীব্ৰ ককৰ্থনা কৰিছিল অৰ্পণা শৰ্মাক ৷
পাছদিনা অৰ্থাৎ ৮ মে’ত অৰ্পণা শৰ্মাই ডিচি বৰ্ণালী ডেকাৰ বিৰুদ্ধে এখন এজাহাৰ দিছিল নলবাৰী সদৰ থানাত ৷ কিন্ত এজাহাৰ দিয়াৰ পিছতো কোনো পদক্ষেপ নল’লে আৰক্ষীয়ে ৷ আনহাতে ডিচি বৰ্নালী ডেকাই এই সন্দৰ্ভত ৰাজ্য চৰকাৰলৈ দিয়া অভিযোগৰ ভিত্তিত চৰকাৰে তৎকালীনভাৱে কাৰ্যকৰী হোৱাকৈ এচিএছ বিষয়া অৰ্পণা শৰ্মাক চাকৰিৰ পৰা নিলম্বন কৰে ৷
বিভাগীয় নিলম্বন আৰু থানাত দিয়া এজাহাৰক নলবাৰী আৰক্ষীয়ো কোনো সময়োচিত ব্যৱস্থা নোলোৱাত ক্ষোভিত হৈ অৰ্পণা শৰ্মাই নলবাৰী চিজিএম আদালতত এক গোচৰ তৰে৷ এই গোচৰৰ শুনানিলৈ আদালতে নলবাৰী সদৰ আৰক্ষীৰ হেমাহিক কৰ্কথনা কৰাৰ লগতে তৎকালেই ডিচি বৰ্ণালী ডেকাৰ বিৰুদ্ধে গোচৰ ৰজু কৰি তদন্ত কৰিবলৈ নিৰ্দেশ প্ৰদান কৰে।
আনহাতে প্ৰাপ্ত খবৰ অনুসৰি নলবাৰী জিলা আয়ুক্ত বৰ্ণালী ডেকাই চিজিএম আদালতৰ ৰায়ৰ বিৰুদ্ধে সত্ৰ ন্যায়াধীশ আদালতৰ দ্বাৰস্থ হোৱাৰ সম্ভাৱনা আছে ৷ মনকৰিবলগীয়া যে,জ্যেষ্ঠ আইএএছ বিষয়া বৰ্ণালী ডেকাই য’তেই ডিচি ৰূপে কাৰ্যৰত হয় তাতেই বিৰ্তকত সাঙোৰ খাই পৰে ৷
