Hojai Visit Governor Laxman Prasad Acharya:
ADVERTISEMENT
আজি হোজাই দুদিনীয়া কাৰ্য্যসূচীৰে উপস্থিত হয় অসমৰ ৰাজ্যপাল লক্ষ্মণ প্ৰসাদ আচাৰ্য। হোজাই জিলাখনৰ কে’বাটাও চৰকাৰী কাৰ্য্যসূচীত অংশগ্ৰহণ কৰিব ৰাজ্যপাল গৰাকীয়ে।
আজি দুপৰীয়া হোজাইৰ শ্ৰীমন্ত শংকৰদেৱ নগৰস্থিত জিলা আয়ুক্তৰ কাৰ্য্যালয়ৰ আৱৰ্ত ভৱনত উপস্থিত হৈ গাৰ্ড অৱ অ’নাৰ গ্ৰহণ কৰি আৱৰ্ত ভৱন প্ৰাঙ্গনত গছপুলি ৰোপণ কৰে।
এই কাৰ্য্যসূচীত হোজাই সমষ্টিৰ বিধায়ক ৰামকৃষ্ণ ঘোষ, লামডিং সমষ্টিৰ বিধায়ক শিবু মিশ্ৰ, হোজাইৰ আয়ুক্ত বিদ্যুৎ বিকাশ ভাগৱতীৰ উপৰিও জিলাখনৰ চৰকাৰী বিষয়া-কৰ্মচাৰী সকল উপস্থিত থাকে।
উক্ত স্থানতে নাৱাৰ্ডে অনুষ্ঠিত কৰা আত্মসহায়ক গোটৰ এখনি প্ৰদৰ্শনী পৰিদৰ্শন কৰি মহিলা সকলে প্ৰস্তুত কৰা সামগ্ৰী সমূহৰ ওপৰত আলোচনা কৰা পৰিলক্ষিত হয়।
