বুধবাৰে আমেৰিকালৈ ৰাওনা হ’ব নৰেন্দ্র মোদী !
বুধবাৰে আমেৰিকা ভ্ৰমণ কৰিব প্ৰধানমন্ত্ৰী নৰেন্দ্ৰ মোদীয়ে । তেওঁৰ দুদিনীয়া ভ্ৰমণৰ সময়ত আমেৰিকাৰ ৰাষ্ট্ৰপতি ড’নাল্ড ট্ৰাম্পকো সাক্ষাৎ কৰিব।
ভাৰতৰ বৈদেশিক পৰিক্ৰমা মন্ত্ৰালয়ে মোডীৰ দুদিনীয়া আমেৰিকা ভ্ৰমণৰ কথা ঘোষণা কৰে।
অবৈধ ভাৰতীয়ক বাসিন্দা দেশলৈ ঘূৰাই পঠোৱা, ভাৰতৰ ওপৰত শুল্ক বৃদ্ধিৰ ভাবুকিৰ,পৰিপ্ৰেক্ষিতত মোডীৰ ভ্ৰমণক গুৰুত্বপূৰ্ণ বুলি বিবেচনা কৰে বহুতে।
বৈদেশিক সচিব বিক্ৰম মিছৰীয়ে শুক্ৰবাৰে প্ৰধানমন্ত্ৰী নৰেন্দ্ৰ মোদীৰ আমেৰিকা ভ্ৰমণৰ সময়সূচী ঘোষণা কৰে।
তেওঁ কয় যে ৰাষ্ট্ৰপতি হিচাপে ট্ৰাম্পৰ শপত গ্ৰহণৰ তিনি সপ্তাহৰ ভিতৰতে ভাৰতীয় প্ৰধানমন্ত্ৰীক দেশখন ভ্ৰমণৰ বাবে আমন্ত্ৰণ জনোৱা হয়।
ই দুয়োখন দেশৰ মাজত সুসম্পৰ্ক প্ৰতিফলিত কৰে। বৈদেশিক সচিবে জনাই যে ভাৰত আৰু আমেৰিকাৰ মাজত দ্বিপাক্ষিক সম্পৰ্ক অধিক শক্তিশালী হ’ব।
১৩ ফেব্ৰুৱাৰীত ট্ৰাম্পে ৱাশ্বিংটনত মোডীক লগ কৰাৰ সম্ভাৱনা আছে। ইজৰাইলৰ প্ৰধানমন্ত্ৰী বেঞ্জামিন নেতানিয়াহুয়ে এই সপ্তাহত আমেৰিকা ভ্ৰমণ কৰিছিল। তাৰ পাছত, মোডীয়ে আমেৰিকা ভ্ৰমণ কৰিবলৈ গৈ আছে।
