Condemnation by various people:
সাম্প্ৰতিক সময়ত অসমৰ ৰাজনীতিত ঘটিবলৈ লৈছে কাহানিও নঘটা ঘটনা। দুষ্কৃতিকাৰীয়ে প্ৰায়েই এতিয়া লক্ষ্য কৰি লৈছে বিৰোধী দলৰ ৰাজনৈতিক নেতা-কৰ্মক।
বৃহস্পতিবাৰে ধুবুৰীৰ সাংসদ তথা এসময়ৰ অসম চৰকাৰৰ প্ৰভাৱশালী মন্ত্ৰী তিনিবাৰৰ বিধায়ক তথা বৰ্তমান ধুবুৰীৰ সাংসদ ৰকিবুল হুছেইন আৰু তেওঁৰ পুত্ৰ কংগ্ৰেছ দলৰ যুৱনেতা তানজিল হুছেইনৰ লগতে সাংসদ গৰাকীৰ দেহৰক্ষীক দিন দুপৰতে মুখত কলা কাপোৰ বান্ধি এটি দুৰ্বৃত্তৰ দলে বাট আগুচি ধৰি প্ৰহাৰ কৰা ঘটনাক নগাঁৱৰ সমাজকৰ্মী মনোৱাৰ হুছেইন ফাৰুকিয়ে তীব্ৰ ভাষাৰে গৰিহণা দিয়ে। ঘটনা সন্দৰ্ভত ফাৰুকিয়ে কয় যে,যি ঘটনা বৰ্তমান অসমৰ ৰাজনীতিত সংঘটিত হ’বলৈ ধৰিছে ই ৰাজনীতিৰ বাবে এক অশুভ লক্ষণ। যি সকল দুষ্কৃতিকাৰীয়ে এই ঘটনা সংঘটিত কৰিছে তেওঁলোকৰ বিৰুদ্ধে ইতিমধ্যে নগাঁও আৰক্ষীয়ে গোচৰ পঞ্জীয়ন কৰি তদন্ত আৰম্ভ কৰিছে যদিও তদন্ত অতি ক্ষীপ্ৰতাৰে কৰি শীৰ্ঘেই দোষীক কৰায়ত্ত কৰি কঠোৰৰ পৰা কঠোৰতম শাস্তিৰ ব্যৱস্থা কৰিবলৈ আহ্বান জনায় যাতে পৰৱৰ্তী সময়ত কোনো দুষ্কৃতিকাৰীয়ে জনপ্ৰতিনিধিৰ লগত এনে ঘটনা সংঘটিত কৰিবলৈ এশ বাৰ চিন্তা কৰিব লাগে।
ইয়াৰ উপৰিও মুছলিম ছাত্ৰ সন্থা অসম(মুছা),সংখ্যালঘু সংগ্ৰাম পৰিষদৰ লগতে বিভিন্ন দল সংগঠনেও উক্ত ঘটনাক নিন্দা জনায়।