Tahawwur Rana:২৬/১১ৰ আক্ৰমণৰ মাষ্টাৰমাইণ্ড তাহাউৰ ৰানাই! মষ্ট ৱাণ্টেড সন্ত্ৰাসবাদীক জিম্মাত লোৱাৰ পিছতে তদন্তকাৰী সংস্থা এন আই এয়ে এক বিবৃতি প্ৰকাশ কৰে।
বৃহস্পতিবাৰে নিশা, এখন বিশেষ আদালতে মুম্বাই আক্ৰমণৰ মাষ্টাৰমাইণ্ডক ১৮ দিনৰ এনআইএ জিম্মালৈ প্ৰেৰণ কৰাৰ নিৰ্দেশ দিয়ে।
ৰাণাক ভাৰতলৈ ঘূৰাই অনাৰ পাছত ৰাষ্ট্ৰীয় অনুসন্ধান সংস্থাই এক বিবৃতি প্ৰকাশ কৰি কয় যে ২০০৮ চনৰ সন্ত্ৰাসবাদী আক্ৰমণৰ মাষ্টাৰমাইণ্ড আছিল ৰাণা! পাকিস্তানী মূলৰ কানাডাৰ নাগৰিকগৰাকীক নিশা পাটিয়ালা হাউছৰ বিশেষ এন আই এ আদালতত হাজিৰ কৰোৱা হয়।
শুনানিৰ সময়ত এন আই এয়ে কয় যে মুম্বাই আক্ৰমণৰ ষড়যন্ত্ৰৰ ৰহস্য উন্মোচন কৰিবলৈ ৰানাৰ জিম্মাত থকা জেৰাৰ প্ৰয়োজন।
ৰাষ্ট্ৰীয় তদন্ত সংস্থাই ২০ দিনৰ জিম্মা বিচাৰিছিল। অৱশ্যে আদালতে ১৮ দিনৰ জিম্মাত মঞ্জুৰ কৰে।
নিয়ম অনুসৰি সন্ত্ৰাসবাদীজনক দিল্লী আইন সেৱা প্ৰাধিকৰণৰ এজন অধিবক্তাই আইনী সাহায্য প্ৰদান কৰে।
তেওঁ কয় যে এই জিম্মাত ৰাণাৰ স্বাস্থ্যৰ অৱনতি যাতে নঘটে তাৰ বাবে এন আই এক নিৰ্দেশ দিয়া হৈছে। তেওঁক সকলো ধৰণৰ চিকিৎসা সেৱা আগবঢ়াবলৈ নিৰ্দেশ দিয়া হৈছে।
ইয়াৰ বাহিৰেও যদি এন আই এয়ে জিম্মাত অতিৰিক্ত সময় পাব বিচাৰে তেন্তে তেওঁ পুনৰ আবেদন কৰিব লাগিব।
ৰাণাক জিম্মাত লোৱাৰ লগে লগে এন আই এয়ে ৰাণাক লৈ এক বিবৃতি প্ৰকাশ কৰে। বিবৃতিটোত কোৱা হৈছে যে কেবাবছৰ ধৰি চলা প্ৰচেষ্টাৰ অন্তত মুম্বাই আক্ৰমণৰ মাষ্টাৰমাইণ্ডক প্ৰত্যাৰ্পণ কৰিবলৈ সক্ষম হৈছে NIA।
এই আক্ৰমণৰ আঁৰৰ ষড়যন্ত্ৰৰ আঁৰৰ ৰহস্য উদঙাই দিবলৈ পৰৱৰ্তী ১৮ দিনলৈ ৰাণাক জেৰা কৰা হ’ব।
ৰাণাক বৃহস্পতিবাৰে নিশা দিল্লীৰ এন আই এৰ মুখ্য কাৰ্যালয়ত ৰখা হয়। তেওঁক আজি এনআইএৰ বিশেষ সন্ত্ৰাসবাদ বিৰোধী কোষে সোধা-পোছা কৰিব।