Pakistan : পহলগামত সংঘটিত সন্ত্ৰাসবাদী আক্ৰমণৰ পাছৰে পৰা দুয়োখন দেশৰ মাজত সম্পৰ্ক অৱনতি ঘটিছে। কাৰ্যতঃ যুদ্ধৰ পৰিৱেশৰ সৃষ্টি হৈছে। এই পৰিস্থিতিত, নতুন দিল্লীয়ে ইছলামাবাদক ভাতে মৰাৰ পৰিকল্পনা কৰিছে।
পাকিস্তানৰ পৰা আৰু পাকিস্তানৰ মাজেৰে যিকোনো সামগ্ৰী আমদানি কৰাত নিষেধাজ্ঞা আৰোপ কৰিছে মোডী চৰকাৰে। বৈদেশিক বাণিজ্য বিভাগে শনিবাৰে এক জাননীত এই ঘোষণা কৰে ।
বিজ্ঞপ্তিত কোৱা হৈছে,”পাকিস্তানলৈ উৎপন্ন হোৱা বা ৰপ্তানি কৰা সকলো সামগ্ৰীৰ প্ৰত্যক্ষ বা পৰোক্ষ আমদানি বা পৰিবহন, মুক্তভাৱে আমদানিযোগ্য হওঁক বা অনুমোদন সাপেক্ষে, পৰৱৰ্তী জাননী নোপোৱালৈকে তাৎক্ষণিক ভাৱে ইয়াক নিষিদ্ধ কৰা হৈছে।
ৰাষ্ট্ৰীয় নিৰাপত্তা আৰু ৰাজহুৱা নীতিৰ স্বাৰ্থত এই নিষেধাজ্ঞা আৰোপ কৰা হৈছে। এই নিষেধাজ্ঞাৰ যিকোনো ব্যতিক্ৰম ভাৰত চৰকাৰৰ পূৰ্ব অনুমোদনৰ প্ৰয়োজন।”
এই নিষেধাজ্ঞাৰ যিকোনো ব্যতিক্ৰমৰ বাবে ভাৰত চৰকাৰৰ আগতীয়া অনুমোদনৰ প্ৰয়োজন।”
উল্লেখ্য যে,বিগত ২২ এপ্ৰিলত পহলগামত সন্ত্ৰাসবাদীৰ আক্ৰমণত ২৬ জন লোক নিহত হয়। আক্ৰমণকাৰীসকলৰ মাজৰ দুজন পাকিস্তানী আছিল। এনে পৰিস্থিতিত দুয়োখন দেশৰ মাজৰ সম্পৰ্কৰ যথেষ্ট অৱনতি ঘটিছে।