Patacharkuchi Vidyapith H.S.School: একেটা দিনতে ২৯জন শিক্ষক অনুপস্থিত এখন বিদ্যালয়ত

Patacharkuchi Vidyapith H.S.School:

এজন-দুজন নহয় ,একেলগে অনুপস্থিত ২৯ গৰাকীকৈ শিক্ষক-শিক্ষয়িত্ৰী ৷ বিদ্যালয়ৰ পৰিদৰ্শকৰ আকস্মিক উপস্থিতিত এই তথ্য পোহৰলৈ আহে । বজালী জিলাৰ পাটাছাৰকুছি বিদ্যাপীঠ উচ্চতৰ মাধ্যমিক বিদ্যালয়ৰ এই সকল শিক্ষকৰ দায়িত্বজ্ঞানহীনতাক লৈ হতবাক হৈছে সচেতন ৰাইজ।

বৃহত্তৰ পাটাছাৰকুছি অঞ্চলৰ আগশাৰীৰ শিক্ষানুষ্ঠান খনত শনিবাৰে বিদ্যালয় সমূহৰ পৰিদৰ্শক আকস্মিকভাৱে উপস্থিত হোৱাত ছাত্ৰ-ছাত্ৰীৰ পাঠদানক লৈ হেতালি খেলা শিক্ষকৰ কৰ্মকাণ্ড পোহৰলৈ আহে ৷ ইতিমধ্যে পৰিদৰ্শক গৰাকীয়ে কাৰণ দর্শোৱা জাননী কৰিছে আটাইকেই গৰাকী শিক্ষকলৈ ৷

উল্লেখ্য যে মোটা অংশৰ দৰমহা হৈ নিজৰ দায়িত্বলৈ সততে পিঠি দিয়া এই সকল শিক্ষকৰ বিৰুদ্ধে শিক্ষা বিভাগে বিভাগীয় শাস্তিমূলক পদক্ষেপ লোৱাৰ দাবী কৰিছে স্থানীয় ৰাইজে ৷