Jasmine: আজিকালি কম বয়সতে অনিদ্ৰাৰ সমস্যা বাঢ়িছে। গোটেই দিনটো কষ্ট কৰিও বহুতৰে ৰাতি পর্যাপ্ত টোপনি নাযায়। কিন্তু স্বাস্থ্যৰ বাবে টোপনি অতি গুৰুত্বপূৰ্ণ।
প্রতিদিনে টোপনিৰ বড়ি খোৱাটোও স্বাস্থ্যৰ বাবে উপকাৰী নহয়। কিন্তু আপুনি জানেনে যে আপোনাৰ ঘৰত গছ-গছনি ৰাখিলে আপোনাৰ টোপনিৰ সমস্যা সমাধান হ’ব পাৰে।
কিছুমান গছ-গছনি ঘৰত ৰাখিলে ভাল টোপনিত সহায় কৰে। তেনে এবিধ উদ্ভিদ হ’ল জেছমিন। এই সৰু বগা ফুলটো চাবলৈ যিমান ধুনীয়া সিমানেই ইয়াৰ সুগন্ধিয়ে আপোনা মনটো ভৰাই তোলে আৰু এই ফুলটো যদি আপুনি আপোনাৰ শোৱাকোঠাত ৰাখে তেন্তে ৰাতি টোপনিৰ সমস্যাৰ পৰা পৰিত্ৰাণ পাব পাৰে।
মানসিক চাপ কমোৱাত জেছমিন ফুল ফলপ্রসূ। আচলতে এই ফুলৰ সুগন্ধিয়ে স্নায়ুতন্ত্ৰ আৰু মনক শান্ত কৰে। ইয়াত কিছুমান ৰাসায়নিক উপাদান থাকে যিয়ে স্নায়ুতন্ত্রকো শিথিল কৰে।
জেছমিন ফুলৰ পৰা নিৰ্গত হোৱা প্ৰাকৃতিক সুগন্ধিয়ে মগজুক শিথিল কৰি তোলে। লগতে ভাল টোপনিত সহায় কৰে। গতিকে যিসকলৰ টোপনিৰ সমস্যা আছে তেওঁলোকে এই ফুলৰ গছজোপা নিজৰ ঘৰত ৰাখিব পাৰে।
ঘৰতে জেছমিন ফুল ৰাখিলে হতাশা আৰু উদ্বেগ দূৰ হ’ব পাৰে। এই ফুলৰ সুগন্ধিয়ে মেজাজ উন্নত কৰাত সহায় কৰিব। সেইবাবেই এৰোমাথেৰাপিত জেছমিন অইল ব্যৱহাৰ কৰা হয়।
আনকি অধ্যয়নত দেখা গৈছে যে জেছমিন ফুলৰ সুগন্ধিয়ে ৰক্ত সঞ্চালন, শ্বাস-প্রশ্বাসজনিত সমস্যা, ৰক্তচাপৰ সমস্যা আদি নিৰাময় কৰিব পাৰে। জেছমিন ফুল প্রধানকৈ গ্রীষ্মকালত ফুলে। যদি আপোনাৰ ঘৰত জেছমিন গছ আছে, তেন্তে এনে সতেজ ফুলৰ মিঠা সুগন্ধি পাব পাৰিব।
ঘৰত পানীৰ পাত্ৰ এটা লৈ তাত জেছমিন ফুল মেলিলে ঘৰখন সুগন্ধিৰে ভৰি পৰিব। যেতিয়া আপুনি ভাগৰুৱা শৰীৰ এটা লৈ ঘৰলৈ উভতি যায়, তেতিয়া সেই ফুলৰ গোন্ধটোৱে নিমিষতে আপোনাৰ মনটো ভাল লাগিব।
