Himachal Pradesh:✒️হিমাচল প্ৰদেশত প্ৰকৃতিৰ বিধ্বংসী ৰূপ ! অবিৰত বৰষুণৰ ফলত হিমাচল প্ৰদেশৰ একাধিক জিলাৰ পথ সংযোগ, বিদ্যুৎ যোগান, আৰু অত্যাৱশ্যকীয় সেৱাসমূহ অচল হৈ পৰিছে ।
ৰাজ্যিক দুৰ্যোগ ব্যৱস্থাপনা কৰ্তৃপক্ষৰ পৰা পোৱা তথ্য অনুসৰি,ৰাজ্যখনত ৪৩২টা পথ অৱৰোধ হৈ আছে, ৫৩৪টা বিদ্যুৎ বিতৰণ ট্ৰেন্সফৰ্মাৰ অকাৰ্যকৰী, আৰু ১৯৭টা পানী যোগান আঁচনিৰ ওপৰত গুৰুতৰ প্ৰভাৱ পৰিছে।
হিমাচল প্ৰদেশত বানঃ মৃত্যুৰ সংখ্যা ১৩৫ লৈ বৃদ্ধি
২০২৫ চনৰ ২২ জুলাইৰ এছডিএমএৰ ক্ৰমবৰ্ধমান ক্ষতিৰ প্ৰতিবেদন অনুসৰি, বৰষুণৰ ফলত হোৱা ভূমিস্খলন, আকস্মিক বানপানী, ডাৱৰ বিস্ফোৰণ, বিদ্যুৎস্পৃষ্ট আদিৰ ফলত মৃত্যু হোৱা লোকৰ সংখ্যা ১৩৫ জন হৈছে।
ভূমিস্খলন, ডাৱৰ বিস্ফোৰণ, আকস্মিক বানপানীকে ধৰি ধাৰাবাহিকভাৱে প্ৰাকৃতিক দুৰ্যোগৰ বাবে মাণ্ডী (১৭), কাংগ্ৰা (১৬), কুল্লু (৮), আৰু চাম্বা (৭) আদি জিলাৰ পৰা বৃহৎ ক্ষতিৰ তথ্য পোৱা গৈছে।
কাংগ্ৰাত ক্ষন্তেকীয়া বানপানী, মাণ্ডিত ডাৱৰ বিস্ফোৰণ, চিমলা আৰু সোলানত হোৱা ভূমিস্খলনে কেৱল প্ৰাণ কাঢ়ি লোৱাই নহয়, ঘৰ-দুৱাৰ, দলং, পথ, গৰু-ম’হ, কৃষিৰো ব্যাপক ক্ষতিসাধন কৰিছে।
ৰাজ্যজুৰি আৰ্থিক লোকচান ১,২৪,৭৩৪.৬৭ লাখ টকা বুলি অনুমান কৰা হৈছে।
সমগ্ৰ ৰাজ্যতে ১,২৪,৭৩৪.৬৭ লাখ টকাৰ আৰ্থিক লোকচান বুলি অনুমান কৰা হৈছে, ৫৪০টাতকৈও অধিক ঘৰ সম্পূৰ্ণৰূপে ক্ষতিগ্ৰস্ত হৈছে ।
২০২৫ চনৰ ২০ জুন তাৰিখৰ পৰা পাঁচ সপ্তাহতকৈও কম সময়ৰ ভিতৰতে ৰাজ্যখনত ২৫টা ভূমিস্খলন, ৪০টা আকস্মিক বানপানী, আৰু ২৩টা ডাৱৰ বিস্ফোৰণ হৈছে।মানুহৰ মৃত্যুৰ উপৰিও ১২৯৬টা জীৱ-জন্তু আৰু ২১,৫০০টা হাঁহ-কুকুৰা চৰাইৰ মৃত্যু হৈছে, যাৰ ফলত গ্ৰাম্য অঞ্চলৰ দুৰ্দশা বৃদ্ধি পাইছে।
ৰাজহুৱা আন্তঃগাঁথনিৰ ক্ষতি পিডব্লিউডি, জেএছভি, শক্তি, শিক্ষা, পশুপালন, আৰু গ্ৰাম্য উন্নয়নৰ দৰে বিভাগসমূহক সামৰি লোৱা হৈছে।এনডিআৰএফ, এছডিআৰএফ, আৰু স্থানীয় দলৰ সহায়ত কৰ্তৃপক্ষই উদ্ধাৰ আৰু সাহায্য অভিযান অব্যাহত ৰাখিছে।