Golokganj:পোকালাগীৰ গো মাংস উদ্ধাৰৰ ঘটনাত কনিষ্টবলক ৰিজাৰ্ভ ক্ল’জ, ভাৰপ্ৰাপ্ত বিষয়াক ৰক্ষণাবেক্ষণ

মন্দিৰৰ ওচৰে পাজৰে এনেকৈ গো মাংস সিচৰিত পৰি থকা প্ৰত্যক্ষ কৰি স্থানীয় ৰাইজৰ মাজত হুলস্থুলীয়া পৰিবেশৰ সৃষ্টি হয়। স্থানীয় মহিলা সকল হাতে হাতে ঝাৰু লৈ আহি আৰক্ষী প্ৰশাসনৰ বিৰুদ্ধে প্ৰতিবাদ সাব্যস্ত কৰে। প্ৰায় তিনি ঘন্টা ধৰি পথ অৱৰোধ কৰি আৰক্ষীৰ বিৰুদ্ধে বিভিন্ন শ্ল’গান দি পৰিবেশ উত্তাল কৰে। অৱশেষত সম জিলা আৰক্ষী অধীক্ষকৰ উপস্থিতিত পৰিস্থিতি নিয়ন্ত্ৰণ হয়। এই সন্দৰ্ভত কালি নিশা দুই বজাত গোলকগঞ্জ হালাকুৰা ছাগলীয়া আৰক্ষীৰ বিশাল বাহিনী পোকালাগী শিলকুৰীপাৰ আদিৰ অসম পশ্চিমবংগ সীমান্ত অঞ্চলত টহল দি চমক সৃষ্টি কৰে যদিও আজিকোপতি কোনো সৰবৰাহকাৰীক আটক কৰিবলৈ সক্ষম হোৱা নাই।

অকল কনিষ্টবল জনক ৰিজাৰ্ভ ক্ল’জ কৰি দায়িত্ব সামৰা বুলি চৰ্চিত হৈছে। উল্লেখ্য যে হালাকুৰা এলেকাত অকল গো মাংস সৰবৰাহই নহয় সমান ভাবে চলিছে অবৈধ ড্ৰাগছৰ সৰবৰাহ। গোপন থানাৰ আৰক্ষীয়ে গৈ অঞ্চলটোত ড্ৰাগছ সহ সৰবৰাহকাৰীক আটক কৰাৰ বিপৰীতে হালাকুৰা আৰক্ষীৰ ভুমিকাৰ ওপৰত সন্দেহ ঘনীভূত হৈছে সাধাৰণ ৰাইজৰ। সমগ্ৰ ঘটনাৰ উচ্চ পৰ্যায়ৰ তদন্ত কৰি দোষী ব্যক্তিৰ বিৰুদ্ধে কঠোৰ ব্যৱস্থা গ্ৰহণৰ দাবী জনাইছে হালাকুৰাবাসী ৰাইজে।