Uttar Pradesh:✒️দিল্লীৰ লালকিল্লাৰ চৌহদৰ পৰা চুৰি হৈছিল প্ৰায় ডেৰ কোটি টকাৰ দুটা সোণৰ কলহ । ঘটনাৰ পাঁচ দিনৰ পাছত উত্তৰ প্ৰদেশৰ পৰা ধৰা পৰিছে ধৃত চোৰ!
আৰক্ষী সূত্ৰই জনোৱা মতে, চিচিটিভি ফুটেজত পোৱা ফটো আৰু ভিডিঅ’ৰ ভিত্তিত যুৱকজন ধৰা পৰে।
ধৃত যুৱকজনৰ নাম ভূষণ বৰ্মা। সোমবাৰে তেওঁক উত্তৰ প্ৰদেশৰ হাপুৰৰ পৰা গ্ৰেপ্তাৰ কৰা হয়। সোমবাৰে আৰক্ষীয়ে জনোৱা মতে, ভূষণৰ বিৰুদ্ধে পূৰ্বৰ একাধিক চুৰি আৰু অন্যান্য অপৰাধৰ গোচৰ আছে।
তদন্তকাৰীয়ে দাবী কৰিছে যে এই চুৰিটো পৰিকল্পিতভাৱে কৰা হৈছিল।
উল্লেখ্য যে,তিনি ছেপ্টেম্বৰত লালকিল্লাত জৈন ধৰ্মীয় অনুষ্ঠান চলি আছিল। ভূষনে জৈন সম্প্ৰদায়ৰ সদস্য নহ’লেও ভক্তৰ ভিৰৰ লগত মিলি যাবলৈ পৰম্পৰাগত বগা ধোটি আৰু কুৰ্তা পিন্ধি তাত উপস্থিত হৈছিল।
ইয়াৰ পাছত জনসমাগমৰ সুযোগ লৈ প্ৰায় ডেৰ কোটি টকাৰ দুটা সোণৰ কলহ আৰু অন্যান্য মূল্যৱান সামগ্ৰী চুৰি কৰি পলাই যায়।
তদন্তকাৰীয়ে জনোৱা মতে, চিচিটিভিৰ ফুটেজৰ ভিত্তিত ভূষণক ধৰা পেলাইছে ।
যোৱা সপ্তাহৰ চিচিটিভি ফুটেজত যুৱকজনে হীৰা, ৰুবি আৰু পান্না থকা সোণৰ কলহটোৰ উপৰিও প্ৰায় ৭৬০ গ্ৰাম ওজনৰ সোণালী নাৰিকল চুৰি কৰা দেখা গৈছিল।
তথ্য অসংগতি,চুৰি হোৱা সকলো সামগ্ৰী সুধীৰ জৈন নামৰ এজন ব্যৱসায়ীৰ। যোৱা ২৮ আগষ্টৰ পৰা লালকিল্লাত আৰম্ভ হোৱা জৈনসকলৰ ১০ দিনীয়া ধৰ্মীয় উৎসৱ ‘দশলক্ষন মহাপৰ্ব’ত ব্যৱসায়ীজনে প্ৰতিদিনে সোণালী কলহত সকলো মূল্যৱান সামগ্ৰী লৈ আহিছিল ।সেই সমূহ জৈন ৰীতি-নীতিত ব্যৱহাৰ কৰা হৈছিল।