Supreme Court:✒️দেশত প্ৰতি তিনি মিনিটৰ গড়ে পথ দুৰ্ঘটনাত এজন লোকৰ মৃত্যু হয়! ২০২৩ চনত দেশত মুঠ ৪,৮০,৫৮৩ টা পথ দুৰ্ঘটনা সংঘটিত হৈছে।কিছুদিন পূৰ্বে পোহৰলৈ আহিছে কেন্দ্ৰীয় পথ পৰিবহণ মন্ত্ৰালয়ৰ এই ভয়ানক প্ৰতিবেদন।
এনে পৰিস্থিতিত উচ্চতম ন্যায়ালয়ে পথ সুৰক্ষা আইনৰ সকলো নিৰ্দেশনা কাৰ্যকৰী কৰিবলৈ ৰাজ্য আৰু কেন্দ্ৰীয় শাসিত অঞ্চলসমূহক ছমাহৰ সময়সীমা প্ৰদান কৰিছে।
মটৰ গাড়ী আইনৰ অধীনত নিৰ্দেশিকা কাৰ্যকৰী কৰিবলৈ কোৱা হৈছে। বিচাৰকসকলৰ পৰ্যবেক্ষণ, যাবতীয় বিষয় সকলো নিৰ্ভৰ কৰে গাইডলাইন ৰূপায়ণৰ ওপৰত।
মঙলবাৰে শীৰ্ষ ন্যায়ালয়ে ৰাষ্ট্ৰীয় ঘাইপথৰ বাহিৰেও অন্য পথ নিৰ্মাণ আৰু ৰক্ষণাবেক্ষণৰ মান উন্নত কৰিবলৈ ৰাজ্যসমূহক নিৰ্দেশ দিয়ে ।
ৰাজ্য আৰু কেন্দ্ৰীয় শাসিত অঞ্চলসমূহক জনসাধাৰণৰ সুৰক্ষা আৰু পথত যান-বাহনৰ সুৰক্ষা সুনিশ্চিত কৰাৰ বাবে প্ৰয়োজনীয় সকলো ব্যৱস্থা গ্ৰহণ কৰিবলৈ আজি ন্যায়াধীশ জে বি পাৰ্দিৱালাৰ নেতৃত্বত এখন বিচাৰপীঠে আৰু অধিক নিৰ্দেশ দিয়ে ।
এই সন্দৰ্ভত উচ্চতম ন্যায়ালয়ে বিতং নিৰ্দেশ জাৰি কৰিছে।সৰ্বোচ্চ ন্যায়ালয়ে সকলো ৰাজ্য আৰু কেন্দ্ৰীয় শাসিত অঞ্চলক মটৰ গাড়ী আইন, ১৯৮৮ৰ ধাৰা ১২৮(১)(ক) আৰু ২১০(বি)ৰ অধীনত ছমাহৰ ভিতৰত নিয়ম প্ৰণয়ন কৰিবলৈ নিৰ্দেশ দিছে যাতে পথ সুৰক্ষা শক্তিশালী কৰিব পৰা যায়।