Munna Prasad Gupta:আজি ছিংগাপুৰলৈ ৰাওনা এছ আই টি মুৰব্বী

অসমীয়া হিয়াৰ আমঠু জুবিন গাৰ্গৰ ছিংগাপুৰত ৰহস্যজনক মৃত্যু সন্দৰ্ভত তদন্ত কৰি থকা চিআইডিৰ মুৰব্বী মুন্না প্ৰসাদ সহ আন এজন শীৰ্ষ বিষয়া আজি ৰাওনা হ’ব ছিংগাপুৰলৈ ৷

উল্লেখ্য যে,হাৰ্টথ্ৰৱ গৰাকীৰ ১৯ ছেপ্তেম্বৰত ৰহস্যজনক মৃত্যুৰ পিছতে সমস্ত ঘটনাৱলীৰ তদন্ত দায়ি দিয়া হয় চিআইডি এছ আইটিক ৷ ইতিমধ্যে জুবিনৰ মৃত্যুৰ সন্দৰ্ভত ইতিমধ্যে গ্ৰেপ্তাৰ কৰিছে চাৰিজনক ৷ একেদৰে ভাষ্য গ্ৰহণ কৰিছে ছিংগাপুৰৰ ১০ জন প্ৰৱাসী অসমীয়া সহ বিভিন্নজনৰ।

আনহাতে জুবিনৰ মৃত্যুৰ এমাহ অতিক্ৰম হ’ল যদিও ছিংগাপুৰৰ ঘটনাৰ স্থানত উপস্থিত হৈ তদন্ত কৰিবলৈ সক্ষম হোৱা নাছিল এছ আইটি ৷ কাৰণ এই ক্ষেত্ৰত বাধা আহিছিল দেশখনৰ ৷ অৱশ্যে ইতিমধ্যে দুয়োখন ৰাষ্ট্ৰৰ মাজত থকা চুক্তি অনুসৰি ঘটনাস্থলী পৰিদৰ্শন কৰি তদন্ত কৰিবৰ বাবে ভাৰতীয় দূতাবাসৰ জৰিয়তে ছিংগাপুৰ প্ৰশাসনে সেউজ সংকেত দিয়ে অসম আৰক্ষীক ৷ সেই অনুসৰি জুবিনৰ মৃত্যুৰ ঘটনাস্থল পৰিদৰ্শন কৰি তদন্ত কৰিবলৈ আজি ছিংগাপুৰ অভিমুখে উৰা মাৰিব এছ আই টিৰ মুৰব্বী মুন্না প্ৰসাদ গুপ্ত সহ আন এজন শীৰ্ষ আৰক্ষী বিষয়া ৷