State Election Officer Pressmeet in Janata bhawan:
আগন্তুক বিধানসভা নিৰ্বাচনৰ পৰিপ্ৰেক্ষিতত দেশৰ নিৰ্বাচন আয়োগে অসমৰ ভোটাৰ তালিকাৰ বিশেষ পুনৰীক্ষণৰ ব্যৱস্থা গ্রহণ কৰিছে। সোমবাৰে দেশৰ নিৰ্বাচন আয়োগে অসমৰ ৰাজ্যাক নির্বাচনী বিষয়ালৈ এই সন্দর্ভত জৰুৰী নির্দেশনা প্ৰেৰণ কৰে। উল্লেখ কৰা অনুসৰি আজিৰ পৰা অহা ২১ নৱেম্বৰলৈ সকলো নথিপত্র, জাননী আৰু নিৰ্বাচনী বিষয়াৰ প্রশিক্ষণ সংক্রান্তীয় তথ্যবোৰ ছপোৱা হ’ব। ২২ নৱেম্বৰৰ পৰা ২০ ডিচেম্ববলৈ বুথ পৰ্যায়ৰ বিষয়াসকল মানুহৰ ঘৰে ঘৰে যাব আৰু ভোটাৰৰ তথ্য সংগ্ৰহ কৰিব।
আনহাতে অসমৰ ভোটাৰ তালিকাৰ বিশেষ পুনৰীক্ষণৰ ব্যৱস্থা গ্রহণ কৰাৰ সন্দৰ্ভত আজি জনতা ভৱনত এক সংবাদমেল অনুষ্ঠিত কৰি ৰাজ্যিক নির্বাচনী বিষয়া অনুৰাগ গোৱেলে কয় ,এই দিন কেইটাৰ ভিতৰতে ভোটগ্রহণ কেন্দ্ৰৰ পুনৰ বিন্যাস, ভোটাৰ তালিকাৰ বিসংগতি আদিও আঁতৰ কৰা হ’ব। ২১ ডিচেম্বৰৰ পৰা ২৬ ডিচেম্বৰলৈ খচৰা ভোটাৰ তালিকা প্রস্তুত কৰা হ’ব। ২৭ডিচেম্বৰত খচৰা ভোটাৰ তালিকা একাশ পাব। খচবা ভোটাৰ তালিকাৰ ওপৰত ওজৰ আপত্তি থাকিলে ১৯ ডিচেম্বৰলৈ ৰাইজে আপত্তি দর্শাব পাৰিব। দুই ফেব্ৰুৱাৰীৰ পূর্বে অভিযোগসমূহ নিষ্পত্তি কৰা হ’ব আৰু ১০ ফেব্ৰুৱাৰীত চূড়ান্ত ভোটাৰ তালিকা প্রকাশ পাব।
সংবাদমেলত ৰাজ্যিক নির্বাচনী বিষয়া গৰাকীয়ে আৰু কয় যে,১,৫০০-১,২০০লৈ হ্রাস কৰা হ’ব প্ৰতিটো কেন্দ্ৰৰ ভোটাৰৰ সংখ্যা৷ এনেক্ষেত্ৰত ৰাজ্যত বৃদ্ধি হ’ব ১,৮২৬টা ভোটকেন্দ্র ৷
আনহাতে ভোটাৰ তালিকাৰ পৰা কৰ্তন হ’ব মৃত্যু হোৱা লোকসকলৰ নাম ৷একেদৰে ঠিকনা সলনি হোৱা লোকৰ নাম নির্দিষ্ট এটা স্থানতহে হ’ব অন্তর্ভুক্ত ৷ সকলো যোগ্য লোকৰ নাম অন্তর্ভুক্ত হ’ব ভোটাৰ তালিকাত ৷ ইয়াৰ বিপৰীতে ভোটাৰ তালিকাৰ পৰা কৰ্তন কৰা হ’ব অযোগ্যসকলৰ নাম ৷ সম্পূৰ্ণভাবে ভাৰতীয় নাগৰিকৰ নাম অন্তর্ভুক্ত হ’ব ভোটাৰ তালিকাত ৷
সংবাদমেলত আগন্তুক ২০২৬ ৰ বিধানসভা নিৰ্বাচনৰ দিনাংক সন্দৰ্ভত ৰাজ্যিক নিৰ্বাচনী বিষয়া গৰাকীয়ে কয়,ফেব্ৰুৱাৰীৰ শেষত ঘোষণা হ’ব ৰাজ্যৰ বিধানসভা নিৰ্বাচনৰ দিন |
উল্লেখ্য যে অসমত এছআইআৰৰ পৰিৱৰ্তে এই বিশেষ ভোটাৰ তালিকা সংশোধনী প্রক্রিয়া চলাবলৈ সিদ্ধান্ত লৈছে নির্বাচন আয়োগে। অসমত ৰাষ্ট্রীয় নাগৰিকপঞ্জীৰ বাবে এছআইআৰ ব্যৱস্থা প্রত্যাহাৰ কৰা হৈছে।
ইফালে নিৰ্বাচনৰ আয়োগৰ অসমৰ ক্ষেত্রত লোৱা এই বিশেষ সিদ্ধান্তক আদৰণি জনাইছে লণ্ডনত থকা মুখ্যমন্ত্রী ড° হিমন্ত বিশ্ব শর্মাই। মুখ্যমন্ত্রীয়ে মন্তব্য কৰে যে ভোটাৰ তালিকাৰ বিশেষ পুনৰীক্ষণৰ এই ব্যৱস্থাই নির্বাচনী প্রক্রিয়া তথা ভোটাৰ তালিকাক স্বচ্ছতা প্রদান কৰিব। অসমে নির্বাচন আয়োগৰ এই পদক্ষেপত সম্পূর্ণ সহযোগিতা আগবঢ়াব বুলি সদৰী কৰিছে ৷
