Raijor Dal Pressmeet :
ৰাজ্যৰ বিধানসভা নিৰ্বাচনলৈ মাজত মাত্ৰ ডেৰটা মাহ থকা অৱস্থাত কংগ্ৰেছে অসম জাতীয় পৰিষদ সহ ছয় দলৰে মৰ্চা গঠনৰ কুজকাৱাজ আৰম্ভ কৰি ইতিমধ্যে অজাপ আৰু বাঁওদল সমূহৰে আসন বুজাপৰা কাৰ্যত সম্পন্ন হৈছে যদিও ৰাইজৰ দলৰে স’তে হৈ উঠা নাই বুজাপৰা ৷ দলটোৱে বিচৰা ধৰণে আসন কংগ্ৰেছে দিবলৈ অপাৰগ প্ৰকাশ কৰি এইক্ষেত্ৰত ৰাইজৰ দলকে তেওঁলোকলৈ দায় দায়িত্ব দিবলৈ বিচাৰিছিল ৷ এনে ঘটনাক্ৰমৰ মাজতে ৰাইজৰ দলৰ সভাপতি অখিল গগৈয়ে আসন বুজাপৰাৰ ক্ষেত্ৰত প্ৰধান বিৰোধী দলটোৱে হোহোকাই পিছলাই থকা বুলি অভিযোগ কৰি শেষ ডেডলাইন বান্ধি দিছিল ১ মাৰ্চ ৷ ইতিমধ্যে এই ডেটলাইন দেওবাৰে অতিক্ৰম কৰাৰ পাছত নিৰাস হয় শিৱসাগৰৰ বিধায়কজন ৷
যাৰবাবে মিত্ৰতা প্ৰসংগত সোমবাৰে ৰাইজৰ দলৰ মুখ্য কাৰ্যালয়ত অনুষ্ঠিত এক সংবাদমেলত কংগ্ৰেছত শেহতীয়াস্থিতিক লৈ তীব্ৰ ক্ষোভ প্ৰকাশ কৰে ৰাইজৰ দলৰ কাৰ্যকৰী সভাপতি ভাস্কো দি শইকীয়াই ৷ এই সন্দৰ্ভত নেতা গৰাকীয়ে কয়,আমি বিচৰা ১৮টা সমষ্টিৰ ভিতৰত মাত্র ৪টা আমাক দিছে কংগ্ৰেছে ৷ পাঁচটাত আমাক বন্ধুত্বপূর্ণ প্ৰতিদ্বন্দ্বিতাৰ বাবে দিছে ৷ পাঁচটা সমষ্টি আমাৰ তালিকাত নথকা দিছে। আমি কংগ্ৰেছৰ এই কথাত অমান্তি হৈছোঁ ৷ আমি মাত্ৰ আৰু এটা পচন্দৰ সমষ্টি বিচাৰিছোঁ ৷ সেয়াও কংগ্ৰেছে আমাক দিয়াৰ পক্ষপাতী নহয় ৷ এনে ক্ষেত্ৰত কংগ্ৰেছৰ স’তে আমাৰ মিত্ৰতা এক ধুষৰ হৈ পৰিছে।
তথাপিও যিকোনো মূল্যৰ বিনিময়ত বিজেপিৰ বিৰুদ্ধে এক হৈ যুঁজিবলৈ সাজু ৰাইজৰ দল ৷ বিজেপিক পৰাভূত কৰিবলৈ আমি বিৰোধী এক হৈ যুঁজ দিব খোজো ৷ মিত্রতাক লৈ এতিয়াও আশাবাদী ৰাইজৰ দল ৷ সংবাদমেলত ৰাইজৰ দলৰ সাধাৰণ সম্পাদক ৰাছেল হুছেইন সহ কে’বাজনো জ্যেষ্ঠ নেতা উপস্থিত থাকে।