Cm Himanta Biswa Sarma:
আজিৰে পৰা আৰম্ভ হোৱা বিধানসভাৰ শীতকালীন অধিবেশনৰ কাম কাজ আৰম্ভ হয় প্ৰশ্নোত্তৰ শিতানেৰে। কিন্ত প্ৰশ্নোত্তৰ শিতানতে জুবিন গাৰ্গৰ মৃত্যু সন্দৰ্ভত সদনত আলোচনা হয় ৷ এই আলোচনাত অংশ লৈ বিধায়ক অখিল গগৈয়ে
ৰাজ্য চৰকাৰৰ বিৰুদ্ধে সৰব হৈ কয়,চৰকাৰে জুবিন গাৰ্গৰ মৃত্যু সন্দৰ্ভত যিধৰণে তৎপৰতা প্ৰদৰ্শন কৰিব লাগিছিল তাৰ বিপৰীতে এছ আই টি জেৰাৰ নামত বিহু কমিটিৰ ভাষ্য গ্ৰহণৰ দৰে কামকাজ কৰি বিষয়টো লেহেমীয়া কৰি আছে ৷
তদুপৰি জুবিন গাৰ্গৰ মৃত্যু হৈছিল ছিংগাপুৰত, চৰকাৰে তদন্ত কৰি আছে দিছপুৰত’। ‘জুবিন গাৰ্গৰ মৃত্যুৰ তদন্ত সম্পূৰ্ণৰূপে বিপথে পৰিচালিত হৈছে’। ‘অসুস্থ জুবিনৰ সৈতে কিয় চৰকাৰে এজন চিকিৎসকৰ ব্যৱস্থা নকৰিলে?’ ‘এয়া হৈছে জুবিন গাৰ্গৰ প্ৰতি চৰকাৰৰ চৰম অন্যায়, উত্তৰ মুখ্যমন্ত্ৰীয়ে বিধানসভাত দিয়ক
একেদৰে আলোচনাত অংশ লৈ বিৰোধী দলপতি দেবব্ৰত শইকীয়াই কয় শাসক পক্ষই এখন হাউচ কমিটি গঠন কৰি জুবিন গার্গে যাতে ন্যায় পায় তাৰ ব্যৱস্থা ল’ব’।’মৰণোত্তৰভাৱে জুবিন গাৰ্গক ভাৰতৰত্ন দিব লাগে বুলি অনুৰোধ জনালোঁ’।
এআইইউডিএফৰ আশ্ৰাফুল হুছেইনে কয়,জুবিনৰ ন্যায়ৰ দাবীত ক্ষুব্ধ জনতাৰ প্ৰতিবাদত কম্পিত হৈছে চৰকাৰে ৷ থৰকাছুটি হেৰুৱাইছে ৷
বিৰোধীৰ এই অভিযোগ একেমুখে নাকচ কৰি অখিল গগৈক টাৰ্গেট কৰি মুখ্যমন্ত্ৰী ড:হিমন্ত বিশ্ব শৰ্মা গৰজি উঠে ৷ তেওঁ কয় জুবিন গাৰ্গৰ ৰহস্যজনক মৃত্যু, অন্তিম সৎকাৰ আৰু বৰ্তমানলৈকে চৰকাৰ তৎপৰ হৈ আছে ন্যায়ৰ দিয়াৰ ক্ষেত্ৰত ৷ ফাষ্ট টেক আদালত,ন্যায়িক তদন্ত আয়োগ আৰু এছ আই টিৰ জৰিয়তে মাৰাথন গতিত অব্যাহত আছে তদন্ত ৷
জুবিন গাৰ্গৰ আকস্মিক মৃত্যু এক পৰিকল্পিত হত্যাকাণ্ড বুলি অভিহিত কৰি কয় এজনে কৰিছে আন চাৰি – পাঁচজনে চাই আছিল ৷ গতিকে এই ঘটনাৰে জড়িত কোনোৱে ৰেহাই নেপায় ৷ একেদৰে জুবিন গাৰ্গক মৃত্যু মুখলৈ নিয়াৰ ক্ষেত্ৰত সাংঘাতিক দায়িত্বহীনতাও পোহৰলৈ আহিব অচিৰেই ৷’বিহু কমিটিক নামাতিলে জুবিনৰ মৃত্যুৰ গোচৰৰ তদন্ত সম্পূর্ণ নহয়। গোটেই ঘটনাটোৱেই টকা-পইচা সম্পর্কীয় l ৮ ডিচেম্বৰত আদালতত চাৰ্ছশ্বীট দাখিল হ’লেও তদন্ত যটি নপৰে বৰং ই দুৰ্বাৰ গতিত চলি থাকিব ৷
আনহাতে জুবিনৰ বিষয়ে আলোচনা কৰাত সভাস্থগিত প্ৰস্তাৱ বিৰোধীয়ে আনিবলৈ কৰা চেষ্টাক সমৰ্থন কৰিছো বুলি উল্লেখ কৰি মুখ্যমন্ত্ৰীয়ে কয়,’মৃত্যুৰ দিশে ঠেলি দিয়া বা অৱহেলা নহয়, জুবিন গাৰ্গৰ মৃত্যু স্বাভাৱিক হোৱা নাছিল বুলি সন্দেহ হৈছিল৷’২০ ছেপ্টেম্বৰতে এই ঘটনাৰ গোচৰ ৰুজু কৰা হৈছিল ৷
একেদৰে মুখ্যমন্ত্রীয়ে জুবিন গাৰ্গৰ হত্যা বুলি কেনেকৈ গম পালে? বিৰোধীৰ প্ৰশ্নত মুখ্যমন্ত্ৰীৰ উত্তৰ। জুবিন গাৰ্গৰ হত্যাৰ গোচৰত জেলত আছে অভিযুক্ত। ৫ অভিযুক্তৰ বিৰুদ্ধে চলি আছে হত্যাৰ গোচৰ। এছআইটি-এ চলাই আছে জুবিন হত্যাৰ তদন্ত।
