Guwahati:
উত্তৰ-পূৰ্বৰ দুৱাৰমুখ হিচাপে পৰিগণিত গুৱাহাটী মহানগৰ সম্প্ৰতি অপৰাধীৰ বাবে হৈ পৰিছে ৰম্যভূমিত ৷ স্মাৰ্ট আৰক্ষীক বুঢ়া আঙুলি দেখুৱাই প্ৰায় সংঘটিত হৈ আহিছে অপৰাধমূলক কাৰ্যকলাপ ৷ চোৰৰ চাফাই অভিযান দৈনিক অব্যাহত আছে মহানগৰী খনত ৷
আৰক্ষীৰ পৰা লাভ কৰা তথ্যানুসৰি বিগত এঘাৰটা মাহত সংঘটিত হৈছে ১,৫৮৩টা অপৰাধৰ ঘটনা ৷ ইয়াৰে সৰ্বাধিক ১,২০৮টা চুৰিকাণ্ড সংঘটিত হোৱাৰ বিপৰীতে ২০৬টাকৈ অপহৰণকাণ্ড,১০২টা লুণ্ঠনৰ ঘটনা,৫৯টা হত্যাকাণ্ডৰ ঘটনা,৬টাকৈ ডকাইতি কাণ্ড আৰু দুটা যৌতুকজনিত অপৰাধ ৷
এনেবোৰ অপৰাধজনিত ঘটনাৰ পৰিসংখ্যা বৃদ্ধিত উদ্বিগ্ন হৈ পৰিছে মহানগৰবাসী ৷ এইক্ষেত্ৰত গুৱাহাটী স্মাৰ্ট আৰক্ষী অপৰাধী ধৰাত কিমান স্মাৰ্ট হয় সেয়া আগন্তুক দিনত হ’ব লক্ষণীয় ৷
# উৎকোচ বিচৰা কৰ্মচাৰীৰ বিৰুদ্ধে তৎপৰ দুৰ্নীতি নিবাপক
ছটা ৬ বছৰত গ্ৰেপ্তাৰ হৈছে ৪৩০ গৰাকী বিষয়া -কৰ্মচাৰী
ঘোচখোৰ কৰ্মচাৰীৰ বিৰুদ্ধে দুৰ্নীতি নিবাৰক আৰু চিএম ভিজিলেঞ্চে কঠোৰস্থিতি গ্ৰহণ কৰি ইতিমধ্যে আটক কৰিছে বহু সংখ্যা চৰকাৰী বিষয়া – কৰ্মচাৰীক ৷ ইজনৰ পিছত সিজনকৈ হাত দাঙিছে বিষয়া – কৰ্মচাৰীয়ে ৷ যোৱা ছটা ৬ বছৰত গ্ৰেপ্তাৰ হৈছে ৪৩০ গৰাকী কৰ্মচাৰী ৷ ইয়াৰে দুর্নীতি নিবাৰক শাখাই ৩০২জনক, মুখ্যমন্ত্ৰী তদাৰকী কোষে গ্ৰেপ্তাৰ ৮৮ গৰাকীক আৰু অসম আৰক্ষীয়ে ৪০ জন বিষয়া-কৰ্মচাৰীক গ্ৰেপ্তাৰ কৰিবলৈ সক্ষম হৈছে ৷
