SIT Pressmeet:
হিয়াৰ আমঠু জুবিন গাৰ্গৰ ৰহস্যজনক মৃত্যু ঘটনাৰ তদন্তৰ অভিযোগনামা দাখিল কৰা হ’ব ১২ডিচেম্বৰত ৷ এই কথা আজি এক সংবাদমেল যোগে সদৰি কৰিলে এছ আই টিৰ মুৰব্বী তথা এছডিজিপি মুন্নাপ্রসাদ গুপ্তাই।
সংবাদমেলত গুপ্তাই কয় যে জুবিন গাৰ্গৰ মৃত্যুৰ তদন্ত প্ৰায় চূড়ান্ত পর্যায়ত উপনীত হৈছে ৷ সেয়েহে অহা ১২ডিচেম্বৰত আদালতত ১৮/২০০৫নং গোচৰৰ তদন্তৰ চাৰ্জশীট দাখিল কৰা হ’ব । আদালতত মাত্র এখনেই চার্জশীট দাখিল কৰা হ’ব।
উল্লেখ্য যে ছিংগাপুৰত অনুষ্ঠিত নৰ্থ ইষ্ট ফেষ্টিভেলত অংশ ল’বলৈ গৈ ১৯ ছেপ্তেম্বৰত সমুদ্ৰৰ বক্ষত ৰহস্যজনকভাৱে মৃত্যুক সাবটি লয় হাৰ্টথ্ৰৱ জুবিন গাৰ্গে ৷ হিয়াৰ আমঠু গৰাকীক আকস্মিক বিয়োগত ৰাজ্যৰ সৰ্বত্ৰে জুবিন অনুৰাগী সহ সৰ্বসাধাৰণ ৰাইজ শোকত ভাগি পৰিছিল ৷ ক্ষুব্ধ ৰাইজে ঠায়ে ঠায়ে নৰ্থ ইষ্ট ফেষ্টিভেলৰ হোতা শ্যামকানু মহন্ত আৰু জুবিনৰ মেনেজাৰ সিদ্ধাৰ্থ শৰ্মাৰ বিৰুদ্ধে এজাহাৰ দাখিল কৰিছিল।
জুবিন গাৰ্গৰ পাৰ্থিব শৰীৰ অসমলৈ অনাৰ ক্ষোভিত হৈ পৰিছিল জুবিন অনুৰাগী সকল ৷ শ্যামকানু মহন্ত আৰু জুবিনৰ মেনেজাৰ সিদ্ধাৰ্থ শৰ্মা সহ ছিংগাপুৰলৈ যোৱা সকলোকে গ্ৰেপ্তাৰৰ দাবী কৰে ৷
এনে ঘটনাক্ৰমৰ মাজতে দিল্লীৰ পাশ্বৱৰ্তী গুৰুগ্ৰামৰ পৰা অসম আৰক্ষীয়ে গ্ৰেপ্তাৰ কৰে মেনেজাৰ সিদ্ধাৰ্থ শৰ্মাক ৷ আনহাতে ছিংগাৰপুৰৰ পুৰা গুৱাহাটীলৈ আহি বিমান বন্দৰত নমাৰ পিছতে শ্যামকানু মহন্তক গ্ৰেপ্তাৰ কৰে আৰক্ষীয়ে ৷ একেদৰে গুৱাহাটী বাসগৃহৰ পৰা গ্ৰেপ্তাৰ কৰে জুবিনৰ শব্দযন্ত্ৰী শেখৰজ্যোতি গোস্বামীক ৷একেদৰে আৰক্ষীয়ে গ্ৰেপ্তাৰ কৰে জুবিনৰ সম্পৰ্কীয় ভাতৃ সঞ্জীপন গাৰ্গ, জুবিনৰ দুই পিএছঅ’ নন্দেশ্বৰ বৰা ,প্ৰবীন বৈশ্য আৰু সহ:শিল্পী অমিত প্ৰভা মহন্ত। আটাই কেইগৰাকী অভিযুক্ত বৰ্তমান ন্যায়িক জিন্মাত কাৰাগাৰত আছে।
শ্যামকানু মহন্ত,সিদ্ধাৰ্থ শৰ্মা, সঞ্জীপন গাৰ্গ, জুবিনৰ দুই পিএছঅ’ নন্দেশ্বৰ বৰা আৰু প্ৰবীন বৈশ্য বাকসাৰ কাৰাগাৰত থকাৰ বিপৰীতে শেখৰজ্যোতি গোস্বামী আৰু অমিত প্ৰভা মহন্ত আছে হাফলং উপ- কাৰাগাৰত ৷
