Gaurav Gogoi:
কথাতে বঁটা কথাতে কটা যায়৷এই কথাষাৰ প্ৰযোজ্য হ’ল প্ৰদেশ কংগ্ৰেছৰ এজন সংখ্যালঘু নেতা এজনৰ ক্ষেত্ৰত । বহুবল্কী নেতাজন হ’ল এপিচিচি মুখপাত্ৰ তথা ধিং সমষ্টিৰ সদ্ভাব্য প্ৰাৰ্থী মহছিন খান ৷ কেইদিনমান পূৰ্বে চেটেলাইট চেনেল এটাৰ পদকাষ্টৰ এক অনুষ্ঠানত অংশ লৈ ৰাজ্যত সংখ্যালঘুৰ বাবে ৪৮ সমষ্টি সংৰক্ষণ কৰিব লাগে বুলি এক মন্তব্য প্ৰকাশ কৰিছিল ৷ যুৱ নেতাজনৰ মন্তব্যৰ পিছত ৰাজ্যৰ ৰাজনীতি মহলত মিশ্ৰিত প্ৰতিক্ৰিয়া সৃষ্টি হয় ৷ আনকি স্বয়ং মুখ্যমন্ত্ৰীয়ে এনে মন্তব্যৰ বিৰোধিতা কৰি এই ক্ষেত্ৰত প্ৰদেশ কংগ্ৰেছ সভাপতি গৰাকীৰ প্ৰতিক্ৰিয়া কি বুলি তিৰ্যক মন্তব্য প্ৰকাশ কৰিছিল ৷
ADVERTISEMENT
অৱশেষত বিৰ্তকিত মন্তব্যৰ বাবে প্ৰদেশ কংগ্ৰেছৰ মুখপাত্র মহছিন খানলৈ শ্ব’কজ নটিছ জাৰি কৰিলে প্রদেশ কংগ্ৰেছৰ সভাপতি গৌৰৱ গগৈয়ে ৷ তিনিদিনৰ ভিতৰত লিখিত প্ৰত্যুত্তৰ দিব লাগিব ধিঙৰ যুৱ নেতাজনে।
