Nagaon:
নৱবৰ্ষৰ প্ৰথমটো দিনতে নগাঁৱৰ ঐতিহ্যমণ্ডিত জুৰীয়া প্ৰেছ ক্লাৱৰ নতুন কমিটি গঠন কৰা হয়। উদমাৰি হাইস্কুলৰ প্ৰাক্তন প্ৰধান শিক্ষক তথা বিশিষ্ট শিক্ষাবিদ ও লেখক ফজলুল হক মৰলে সভাপতিত্ব কৰা সাধাৰণ সভাত জুৰীয়া প্ৰেছ ক্লাবৰ এখনি ৩১জনীয়া পূৰ্ণাংগ কমিটি গঠন কৰা হয়। কমিটিখনৰ মূখ্য উপদেষ্টা ফজলুল হক মৰল, উপদেষ্টা হিচাপে প্ৰতিদিন কাকত তথা প্ৰতিদিন চেটেলাইট চেনেলৰ জুৰীয়াৰ সংবাদদাতা ও জেষ্ঠ সাংবাদিক বাবুল শইকীয়া, নিয়মীয়া বাৰ্তাৰ জুৰীয়াৰ সংবাদদাতা ও গণ অধিকাৰ কাকতৰ নগাঁৱৰ ষ্টাফ ৰিপোৰ্টাৰ নাজিম উদ্দিন আহমেদ,অসম লাইভ ২৪ ৰ নগাঁৱৰ বি’ৰো ৰিপোৰ্টাৰ বাহাৰুল ইছলাম, ই টিভিৰ নগাঁৱৰ বি’ৰো ৰকিবুল ৱাহিদ। নতুনকৈ গঠন হোৱা কমিটিখনত জ্যেষ্ঠ সাংবাদিক ও খবৰ কাকত আৰু ছেটেলাইট চেনেল নিউজ 18 অসমৰ সংবাদদাতা মোজাম্মিল হক (কাবুল)ক সভাপতি আৰু কাৰ্যকৰী সভাপতি দ্বয় ক্ৰমে- জুৰীয়াৰ জ্যেষ্ঠ সাংবাদিক তথা চেটেলাইট চেনেল প্ৰথম খবৰৰ সাংবাদিক দিলোৱাৰ হুছেইন আৰু নিউজ লাইভৰ ৰূপহীহাটৰ সাংবাদিক তথা বাংলা নিউজ লাইভৰ নগাঁও জিলাৰ বি’ৰো আবু আনছাৰীক সভাই নিৰ্বাচিত কৰে। সাপ্তাহিক বাতৰি কাকত “আমাৰ আদিতি”ৰ সহ: সম্পাদক তথা দৈনিক বাতৰি কাকতৰ ৰূপহীহাট ও দি আছাম পোষ্ট কাকতৰ জুৰীয়াৰ সংবাদদাতা আজিজুৰ ৰহমান আৰু আমাৰ অসম কাকত তথা এন ডি 24 নৰ্থ ইষ্ট চেনেলৰ সাংবাদিক ৰাব্বুল হুছেইনক উপ-সভাপতি হিচাপে নিৰ্বাচিত কৰে। সম্পাদক হিচাপে উদয়ীমান যুৱক তথা এন কে টি ভি চেনেলৰ সাংবাদিক ছিবেন্দু বৰাক সৰ্ব সন্মতি ক্ৰমে নিৰ্বাচিত কৰে। কমিটিখনত সহ:সম্পাদক হিচাপে জ্যেষ্ঠ সাংবাদিক তথা দৈনন্দিন বাৰ্তাৰ সাংবাদিক তমিজ উদ্দিন আৰু জ্যেষ্ঠ সাংবাদিক নাজিম উদ্দিন, সাংগঠনিক সম্পাদক হিচাপে টাইম8 ৰ সাংবাদিক নিজামুল হুছেইন আৰু নেশ্বন এন ইৰ সাংবাদিক গিয়াছ উদ্দিনক (ৰাজু), সাংস্কৃতিক সম্পাদক হিচাপে অসম লাইভৰ সাংবাদিক গোলাম ৰাব্বানীক,আলোচনী সম্পাদক হিচাপে সত্যৰ সাংবাদিক দিলদাৰ হুছেইন আৰু আব্দুল আজিজ,ধন ভৰালী হিচাপে ৰৌজ আহমেদ(কুব্ৰা),ক্ৰীড়া সম্পাদক হিচাপে নিউজ নাওৰ সাংবাদিক ছাদ্দাম হুছেইন আৰু মুক্তাৰ হুছেইন, প্ৰচাৰ সম্পাদক হিচাপে এহচানুল মাৰিফ আৰু মোছতাক আহমেদক আৰু কাৰ্যালয় সম্পাদক হিচাপে ইকবাল হুছেইন আৰু মোজ্জাকিৰ হুছেইন’ক নিৰ্বাচিত কৰি ৩১জনীয়া পূৰ্ণাংগ কমিটি গঠন হয়।
উল্লেখযোগ্য যে, ১৯৯৫ চনৰ আজিৰ দিনটোতেই জুৰীয়া প্ৰেছ ক্লাবৰ প্ৰতিষ্ঠা হৈছিল, আৰু ৩১ বছৰৰ সাংবাদিকতা যাত্ৰাত ক্লাবখনে সদায় সংবাদ জগতত এক দৃঢ় ভূমিকা পালন কৰি আহিছ। অভিজ্ঞতা সম্পন্ন, উচ্চ শিক্ষিত আৰু দায়িত্বশীল নেতৃত্বৰ অধীনত জুৰীয়া প্ৰেছ ক্লাব আগন্তুক দিনসমূহত অধিক সু-সংগঠিতভাৱে আগবাঢ়ি যাব আৰু সাংবাদিক সমাজৰ লগতে সাধাৰণ ৰাইজৰ স্বাৰ্থত শক্তিশালী ভূমিকা ল’ব বুলি সকলোৱে আশাবাদী।
