Bangladesh general election:✒️বাংলাদেশৰ প্রয়াত প্রধানমন্ত্রী খালেদা জিয়াৰ স্থলাভিষিক্ত হ’ব তেওঁৰ পুত্র, বিএনপিৰ বর্তমান ভাৰপ্রাপ্ত চেয়াৰম্যান তাৰেক ৰহমান। প্ৰাপ্ত তথ্য অনুসৰি, ভোটৰ আগতে তেওঁ আনুষ্ঠানিকভাৱে দলৰ চেয়াৰমেনৰ দায়িত্ব গ্ৰহণ কৰিব পাৰে।
খালেদা জিয়া ১৯৮৪ চনৰ ১০ মে বিএনপিৰ চেয়াৰপার্ছনৰ দায়িত্ব লোৱা হৈছিল আৰু মৃত্যুৰ পৰ্যন্ত সেই পদত আছিল। তেওঁৰ নেতৃত্বত বাংলাদেশৰ জাতীয় সংসদৰ তিনিটা নিৰ্বাচন (১৯৯১, ১৯৯৬ আৰু ২০০১)ত বিএনপি জয়ী হৈছিল।
৩০ ডিচেম্বৰত খালেদাৰ মৃত্যুতে দলৰ শীৰ্ষপদত শূন্যতা সৃষ্টি হৈছে। প্ৰাপ্ত তথ্য অনুসৰি,এই শূন্যস্থান পূৰণ কৰিবলৈ তাৰেকে দায়িত্ব গ্ৰহণ কৰিব।
তেওঁৰ পিতৃ, প্রয়াত প্রেসিডেন্ট লেফটেন্যান্ট জেনাৰেল জিয়াউৰ ৰহমান, ১৯৮১ চনৰ চট্টগ্রাম সেনা বিদ্রোহত নিহত হৈছিল। স্বামীৰ মৃত্যুৰ পাছতো খালেদা ৰাজনীতিলৈ আহে। ১৯৮২ চনৰ ৩ জানুৱাৰী খালেদা বিএনপিৰ প্ৰাথমিক সদস্যপদ গ্ৰহণ কৰে। ১৯৮৩ চনৰ মার্চত তেওঁ দলৰ জ্যেষ্ঠ ভাইচ চেয়াৰম্যান হয়। তাৰ পাছত ১৯৮৪ চনৰ ১২ জানুৱাৰীত খালেদা বিএনপিৰ ভাৰপ্রাপ্ত চেয়াৰপাৰছন মনোনীত হয় আৰু চাৰিমাহৰ ভিতৰত আনুষ্ঠানিকভাৱে দলৰ শীৰ্ষপদত স্থান লাভ কৰে।
বাংলাদেশৰ ত্রয়োদশ জাতীয় সংসদৰ নির্বাচন অনুষ্ঠিত হ’ব ১২ ফেব্ৰুৱাৰী। সেই দিনেই অনুষ্ঠিত হ’ব জুলাই সনদৰ গণভোট। উল্লেখ্য যে,মনোনয়ন জমা দিয়াৰ সময় আছিল ১২–২৯ ডিচেম্বৰ। মনোনয়ন পৰীক্ষাৰ কাৰ্য ৩০ ডিচেম্বৰত আৰম্ভ হৈ চাৰি জানুৱাৰীলৈ চলিব। যদি কোনো মনোনয়ন বাতিল হয়, সেই সিদ্ধান্তৰ বিৰুদ্ধে আপিল কৰিব পাৰিব ১১ জানুৱাৰীলৈ। চূড়ান্ত প্ৰাৰ্থীতালিকা প্ৰকাশ আৰু নিৰ্বাচনী প্ৰতীক নিৰ্ধাৰণ হ’ব ২১ জানুৱাৰী। আনুষ্ঠানিক নির্বাচনী প্রচাৰ ২২ জানুৱাৰী আৰম্ভ হৈ ১০ ফেব্ৰুৱাৰী পুৱা ৭:৩০ বজাত সমাপ্ত হ’ব।