Hearing in Cbi Spl Court:
:ৰাজ্য জোকাৰি যোৱা ট্রেডিং কেলেংকাৰী গোচৰৰ আজি আছিল দ্বিতীয়টো শুনানি ৷ চিবিআইৰ বিশেষ আদালতত হয় দ্বিতীয়টো শুনানি ৷শুনানিৰ বাবে চিবিআইৰ আদালতত উপস্থিত থাকে ট্রেডিং কেলেংকাৰী অভিযুক্ত বিশাল ফুকন ,তাৰ্কিক বৰা, অভিজিৎ চান্দ আৰু চুমি বৰা ৷ আদালতে শুনানি গ্ৰহণ কৰি পুনৰ পৰৱৰ্তী দিন নিৰ্ধাৰণ কৰে ১০ জানুৱাৰীত ৷সেইদিনাই ৪ অভিযুক্তক প্ৰদান কৰা হব গোচৰটোৰ চার্জশ্বীটৰ কপি ৷ তাৰ পাছতে ৪ অভিযুক্তৰ বিৰুদ্ধে অভিযোগ বিবেচনা কৰা হ’ব। চার্জফ্ৰেম হোৱাৰ পাছতে শুনানি প্ৰক্ৰিয়া চলিব চিবিআইৰ বিশেষ আদালতত ।শুনানি কালত হাজিৰ হ’ব লাগিব গোচৰটোৰ সাক্ষী সহ ভুক্তভোগী সকল। একেদৰে দ্বিতীয় শুনানিৰ সময়তো সোঁ-শৰীৰে হাজিৰ হব লাগিব চুমী বৰা ,বিশাল ফুকন আৰু তাৰ্কিক বৰা ।
উল্লেখ্য যে ইতিমধ্যে ১২ ডিচেম্বৰত প্ৰথমটো শুনানি সম্পন্ন হৈছিল চিবিআইৰৰ বিশেষ আদালতত ৷ ট্রেডিং কেলেংকাৰীৰ অভিযুক্ত হৈছে চুমী,বিশাল,তাৰ্কিক,অভিজিত চান্দ ৷ ২৯/২০২৫ নম্বৰত চিবিআইৰ বিশেষ আদালতত ৪ অভিযুক্তৰ বিৰুদ্ধে ৰুজু হৈছিল গোচৰ ৷
উল্লেখযোগ্য ট্রেডিং গোচৰত বৰ্তমান ৪ অভিযুক্তই জামিন লাভ কৰি ওলাই আহিছে মুকলি আকাশৰ তললৈ । বহু কেইটা চৰ্ত দি আদালতে জামিন প্ৰদান কৰিছিল অভিযুক্ত সকলক৷ ৰাজ্যজুৰি ট্রেডিং কেলেংকাৰীত চিবিআইয়ে গ্ৰেপ্তাৰ কৰিছিল ১৮ জনকৈ অভিযুক্তক ৷ গ্ৰেপ্তাৰ হোৱা অধিকাংশ অভিযুক্তই ইতিমধ্যে লাভ কৰিছে জামিন ৷
আনহাতে ভুক্তভোগী লোক সকলৰ অভিযোগ লেহেমীয়া গতিত চলিছে ট্রেডিং কেলেংকাৰী গোচৰৰ তদন্ত ৷ দ্ৰুত আদালতত গোচৰ সমূহ চলাৰ দাবী।