FIR Against SPM ACADEMY :
আমগুৰিত SPM, IAS ACADEMY ৰ বিৰুদ্ধে এজাহাৰ দাখিল অসমীয়া যুৱ মঞ্চৰ কেন্দ্ৰীয় সমিতিৰ ৷ আমগুৰি আৰক্ষী থানাত অসমীয়া যুৱ মঞ্চ কেন্দ্ৰীয় সমিতিৰ সহ:সম্পাদক আকাশ শইকীয়াই দাখিল কৰে এজাহাৰ
উল্লেখ্য যে গুৱাহাটীস্থিত SPM, IAS ACADEMY নামৰ প্রাইভেট কচিং প্রতিষ্ঠানটোৱে ভাৰতীয় ৰাষ্ট্ৰীয় প্রতীক ‘অশোকস্তম্ভ’ ব্যক্তিগত লাভালাভৰ বাবে অনুষ্ঠানৰ স্মাৰকত ব্যৱহাৰ কৰিছিল যাৰ বিৰুদ্ধে সৰৱ হৈ পৰিছিল সংগঠনটো ৷
উল্লেখযোগ্য The State Emblem of India (Prohibion of Improper Use) Act 2005 ৰ মতে কোনো ব্যক্তিগত লাভালাভৰ বাবে ব্যৱহাৰ কৰিব নোৱাৰে ভাৰতীয় ৰাষ্ট্ৰীয় প্রতীক অশোকস্তম্ভ। কিন্তু এই প্রতিষ্ঠানটোৱে সকলো নিয়ম উলংঘা কৰি ব্যক্তিগত প্ৰতিষ্ঠানত ৰাষ্ট্ৰীয় প্রতীকৰ অপপ্ৰয়োগ কৰাৰ অভিযোগ কৰে অসমীয়া যুৱ মঞ্চই ৷ যাৰ পৰিপ্ৰেক্ষিতত বৃহস্পতিবাৰে SPM, IAS ACADEMY ৰ বিৰুদ্ধে বিহিত ব্যৱস্থা গ্ৰহণৰ দাবীৰে এজাহাৰ দাখিল কৰে সংগঠনটোৱে ।