Jorhat:
গৌৰৱ গগৈৰ নেতৃত্বত অসম কংগ্ৰেছে মিত্ৰতাৰ ৰাজনীতিৰ চাকনৈয়াত ঘূৰপাক খাইছে বুলি শাসক পক্ষই সমালোচনা কৰি থকাৰ মাজতে আকস্মিকভাবে বিভিন্ন মহলক হতবাক কৰি আগন্তুক বিধানসভা নিৰ্বাচনৰ বাবে প্ৰথমখন প্রার্থী তালিকা ঘোষণা কৰি দলে চমক দিলে বুলি এইবাৰ আৰম্ভ হৈছে আন এক ৰাজনৈতিক চর্চা।
সাম্প্রতিক ৰাজনৈতিক প্রেক্ষাপটত পৰম্পৰাগতভাৱে কংগ্ৰেছৰ প্ৰাৰ্থী তালিকা ঘোষণাত আন প্রতিদ্বন্দ্বী দল বিশেষকৈ বিজেপিৰ দৰে আগ্রাসী দলৰ তুলনাত যথেষ্ট বিলম্ব হয় যদিও এইবাৰ প্ৰথমখন তালিকা প্রকাশ কৰি চমক দিয়াই নহয় যোৰহাটৰ প্ৰাৰ্থী হিচাপে প্ৰক্ষেপিত হয় ৷
আনহাতে আগন্তুক নিৰ্বাচনত যোৰহাট বিধানসভা সমষ্টি ৰাজ্যৰ ৰাজনীতি প্ৰেক্ষাপটৰ গুৰুত্বপূৰ্ণ প্ৰাৰ্থী হিচাপে চিহ্নিত হয় । ইপিনে বাজপেয়ী ভৱনৰ এক বিশ্বস্ত সূত্ৰই জানিব দিয়া মতে যোৰহাট সমষ্টিত গৌৰৱ গগৈ প্ৰতিদ্বন্দ্বি হ’ব পাৰে কেন্দ্ৰীয় বিদেশ ৰাজ্য মন্ত্ৰী পবিত্ৰ মাৰ্ঘেৰিটা ৷ দুই আহোম নেতাৰ মাজত হ’ব মুখামুখি যুঁজ । মাৰ্ঘেৰিটাই বাজপেয়ী ভৱনৰ পৰা ইতিপূৰ্বে লাভ কৰা সেউজ সংকেতৰ বাবেই মাৰ্ঘেৰিটা সমষ্টিৰ ভোটাৰ তালিকাৰ পৰা নিজৰ নাম কৰ্তন কৰি যোৰহাট চহৰৰ ১১ নম্বৰ ৱাৰ্ডৰ ভোটাৰ তালিকাত অন্তর্ভুক্ত কৰিছে ৷ একেদৰ চহৰ খনৰ দেৱী চৰণ বৰুৱা পথত ঘৰ ক্ৰয় কৰি স্থায়ী বাসিন্দাও হৈছে মাৰ্ঘেৰিটা ৷
উল্লেখ্য যে যোৰহাট পৌৰসভাৰ অন্তৰ্গত ১১ নম্বৰ ৱাৰ্ডৰ দেৱী চৰণ বৰুৱা গাৰ্লছ স্কুলৰ ভোট কেন্দ্ৰত ভোটাধিকাৰ সাব্যস্ত কৰিব গৌৰৱ গগৈ আৰু পবিত্ৰ মাৰ্ঘেৰিটাই ৷
এনে প্ৰেক্ষাপটত যোৰহাটত পবিত্ৰ মাৰ্ঘেৰিটাৰ ৰাজনৈতিক কুজকাৱাজে এটা কথা পৰোক্ষভাৱে স্পষ্ট কৰিলে যে সমাগত নিৰ্বাচনত গৌৰৱ গগৈৰ প্ৰতিদ্বন্দ্বি হ’ব স্বয়ং মাৰ্ঘেৰিটা ৷