PM Visit Guwahati:
প্ৰতিকুল বতৰৰ মাজতে শুকুৰবাৰে দুপৰীয়া প্ৰায় ১.৩০ বজাত বায়ুসেনাৰ বিশেষ বিমানযোগে বৰঝাৰৰ লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰত উপস্থিত হয় প্ৰধানমন্ত্ৰী নৰেন্দ্ৰ মোদী।
প্ৰধানমন্ত্ৰী গৰাকীক বিমানবন্দৰত উস্ম আদৰণি জনাই মুখ্যমন্ত্ৰী ড: হিমন্ত বিশ্ব শৰ্মা, কেন্দ্ৰীয় মন্ত্ৰী সৰ্বানন্দ সোণোৱাল, ৰাজ্যপাল লক্ষ্মণ প্ৰসাদ আচাৰ্যকে ধৰি একাধিক মন্ত্ৰী-সাংসদ আৰু বিধায়কে।
উল্লেখ্য যে ,প্ৰধানমন্ত্ৰী গৰাকীয়ে গুৱাহাটীৰ পৰা হেলিকপ্টাৰৰে কোকোৰাঝাৰৰ বিশেষ অনুষ্ঠানত অংশগ্ৰহণৰ বাবে যোৱা কথা আছিল যদিও প্ৰতিকুল বতৰৰ বাবে শেষ মুহূৰ্তত যাত্ৰা বাতিল হয় ৷ যাৰবাবে প্ৰধানমন্ত্ৰী গৰাকী গুৱাহাটী বিমান বন্দৰৰ পৰা পোনে পোনে ৰাওনা হয় খানাপাৰাস্থিতকইনাধৰা ৰাজ্যিক অতিথি শালালৈ । ইয়াৰ পৰাই পূৰ্ব নিৰ্ধাৰিত কোকৰাঝাৰৰ অনুষ্ঠান সহ আন কে’বাটাও প্ৰকল্পৰ শুভ উদ্বোধন ভাৰ্চুৱেলি কৰে ৷ এই অনুষ্ঠানত প্ৰধানমন্ত্ৰী গৰাকীক সংগ দিয়ে ড: হিমন্ত বিশ্ব শৰ্মা, কেন্দ্ৰীয় মন্ত্ৰী সৰ্বানন্দ সোণোৱাল, ৰাজ্যপাল লক্ষ্মণ প্ৰসাদ আচাৰ্যই ৷ আনহাতে কোকোৰাঝাৰত অনুষ্ঠিত সভাত প্ৰধানমন্ত্ৰীক সম্বোধন কৰি আদৰণি ভাষণত বিটিচি মুৰব্বী হাগ্ৰামা মহিলাৰীয়ে কয়,ছাৰ আপুনি বহুত দিলদাৰ মানুহ। কৃপা কৰি বড়োলেণ্ডৰ বাবে কিবা এটা দি যাব’।
প্ৰধানমন্ত্ৰী গৰাকীয়ে ভাৰ্চুৱেলী ভাষণত কোকৰাঝাৰ বাসীক সম্বোধন কৰি কয়,প্ৰতিকূল বতৰৰ বাবে কোকৰাঝাৰলৈ আহিব নোৱাৰিলো ৷ তাৰ বাবে
মই ক্ষমা বিচাৰিলো ৷ বড়োফা উপেন্দ্র ব্রহ্মক, ৰূপনাথ ব্ৰহ্মক স্মৰণ কৰি প্ৰধানমন্ত্ৰীয়ে কয় ,আপোনালোকৰ সেৱা কৰি আপোনলোকৰ ঋণ পৰিশোধ কৰিম ৷ আনহাতে সৰুসজাইত বাগুৰুম্বা নৃত্য উপভোগৰ কথা সুঁৱৰিলে প্রধানমন্ত্রীয়ে ৷
অসম মালা ৩.০এ অসমৰ পথ-যোগাযোগ ব্যৱস্থাক নতুন মাত্রা দিব ৷ একেদৰে কোকৰাঝাৰৰ পথ-যোগাযোগ ব্যৱস্থাও নতুন মাত্ৰা পাব ৷ আজি উদ্বোধন হোৱা ৩খন নতুন ৰে’লে যোগযোগৰ লগতে বাণিজ্যৰ উন্নয়ন সাধিব । আনহাতে পূর্বে বড়োভূমিত বন্দুকৰ গৰ্জন শুনা গৈছিল ৷এতিয়া বড়োলেণ্ড শান্তি আৰু বিকাশৰ পথত আগবাঢ়িছে । এই বৃহত্তৰ অঞ্চলৰ ৰে’ল যোগযোগ সুচল কৰাৰ বাবে বিশেষ ব্যৱস্থা গ্রহণ কৰা হৈছে ৷ৰে’ল যোগাযোগ সুচল হ’লে বড়োলেণ্ডক ল’জিষ্টিক হাবত পৰিণত কৰিব ।.
কোকৰাঝাৰ বৃহৎ বাণিজ্য কেন্দ্র হ’বলৈ আগবাঢ়িছে বুলি উল্লেখ কৰি কংগ্ৰেছক আক্ৰমণৰ লক্ষ্য কৰি প্ৰধানমন্ত্ৰী গৰাকীয়ে আৰু কয়,কংগ্রেছে মিছা প্রতিশ্রুতিৰে বড়োলেণ্ডক আভুৱা ভাৰিছিল৷কংগ্ৰেছ ৰাজনৈতিক স্বাৰ্থৰ বাবে সাম্প্রদায়িক সংঘৰ্ষ কৰাইছিল৷আমি বড়োলেণ্ডৰ স্থায়ী শান্তি অনাৰ প্ৰয়াস কৰিছো৷কংগ্ৰেছ কেৱল মিছা প্ৰতিশ্ৰুতিৰ দোকান ৷ কংগ্রেছে দিয়া প্রতিশ্রুতি পালনৰ কোনো লক্ষ্যই নাথাকে ৷ আমি সৎ মনোভাৱেৰে বিটিচিৰ শান্তি উন্নয়নৰ বাবে কাম কৰিছো ৷ আগন্তুক দিনত কোকৰাঝাৰৰ নতুন প্ৰগতি ৰাইজে নিজেই প্ৰত্যক্ষ কৰিব ৷
উল্লেখ্য যে প্ৰধানমন্ত্ৰী মোডীয়ে কোকৰাঝাৰৰ বাবে ভাৰ্চুৱেলী ৪,৫৭০ কোটি টকাৰ প্ৰকল্পৰ ভূমিপুজন-আধাৰশিলা কৰে ৷ প্ৰকল্প কেইটাৰ ভিতৰত বিটিচিৰ ৪খন উৰণ সেতু আৰু দুখন দলঙৰ ভূমি পূজনৰ উপৰিও ছটা পথ আৰু ৰে’লৱে’ ৱাগন ৱৰ্কশ্বপৰ ভূমি পূজন ৷ একেদৰে কোকৰাঝাৰ -ভুটানৰ গেলেফু প্ৰস্তাৱিত ৰে’লপথৰ প্ৰকল্পৰ শিলান্যাসৰ সমান্তৰালভাৱে আধাৰশিলা স্থাপন কৰে ২৫৬ কোটি টকাৰ বাঁহবাৰী ৰে’ল প্ৰকল্পৰো ৷
