West Bengal Assembly Election2026:
দৈনিক অগ্ৰদূত ডিজিটেল ডেক্স:-প্রচণ্ড বাধাৰ প্রাচীৰ গঢ়া মমতা বেনাৰ্জীৰ পৰা পশ্চিমবংগ দখল কৰিবলৈ সৰ্বশক্তিৰে জঁপিয়াই পৰা মোদী বাহিনীৰ ৰণকৌশল সাম্প্রতিক ভাৰতীয় ৰাজনীতিত একপ্ৰকাৰ অভূতপূৰ্ব ৰূপেই চর্চিত হৈছে। প্রথম পৰ্যায়ৰ ভোটগ্রহণ হৈ যোৱাৰ পাছত দ্বিতীয় তথা অন্তিম পৰ্যায়ৰ ভোটগ্রহণৰ প্ৰাকক্ষণত মোদী বাহিনীৰ প্রচণ্ড বাধাৰ প্রাচীৰ গঢ়া মমতা বেনাৰ্জীৰ পৰা পশ্চিমবংগ দখল কৰিবলৈ সৰ্বশক্তিৰে জঁপিয়াই পৰা মোদী বাহিনীৰ ৰণকৌশল সাম্প্রতিক ভাৰতীয় ৰাজনীতিত একপ্ৰকাৰ অভূতপূৰ্ব ৰূপেই চর্চিত হৈছে।
প্রথম পৰ্যায়ৰ ভোটগ্রহণ হৈ যোৱাৰ পাছত দ্বিতীয় তথা অন্তিম পৰ্যায়ৰ ভোটগ্রহণৰ প্ৰাকক্ষণত মোদী বাহিনীৰ আক্ৰমণৰ চোকো বৃদ্ধি পাইছে। প্রধানমন্ত্রী নৰেন্দ্ৰ মোদীৰ পৰা আৰম্ভকৰি কেন্দ্ৰীয় গৃহমন্ত্রী অমিত শ্বাহ আৰু দলৰ ৰথী-মহাৰৰ্থীসকলে একপ্ৰকাৰ আহাৰ-নিদ্রা ত্যাগ কৰি মমতা বাহিনীৰ বিৰুদ্ধে জঁপিয়াই পৰিছে। দ্বিতীয় পৰ্যায়ৰ ভোটগ্রহণৰ প্ৰাকক্ষণত ৰাজ্যখনৰ আকাশ একপ্ৰকাৰ হেলিকপ্টাৰৰে ঢাকি ধৰিছে।
ফলত ৰাজ্যখনৰ দক্ষিণ প্ৰান্তত আকাশৰ পৰা আক্ৰমণৰ চোকো বৃদ্ধি পাইছে। প্রধানমন্ত্রী নৰেন্দ্ৰ মোদীৰ পৰা আৰম্ভকৰি কেন্দ্ৰীয় গৃহমন্ত্রী অমিত শ্বাহ আৰু দলৰ ৰথী-মহাৰৰ্থীসকলে একপ্ৰকাৰ আহাৰ-নিদ্রা ত্যাগ কৰি মমতা বাহিনীৰ বিৰুদ্ধে জঁপিয়াই পৰিছে। দ্বিতীয় পৰ্যায়ৰ ভোটগ্রহণৰ প্ৰাকক্ষণত ৰাজ্যখনৰ আকাশ একপ্ৰকাৰ হেলিকপ্টাৰৰে ঢাকি ধৰিছে।
ফলত ৰাজ্যখনৰ দক্ষিণ প্ৰান্তত আকাশৰ পৰা হেলিকপ্টাৰৰ প্ৰচণ্ড শব্দ দিনটোৰ প্ৰায় প্রতিক্ষণতে শুনিবলৈ পোৱা গৈছে। কেৱল প্রধানমন্ত্রী মোদীৰ বাবেই বায়ুসেনাই তিনিখনকৈ হেলিকপ্টাৰ যোগান ধৰিছে। সম্প্রতি এই তিনি হেলিকপ্টাৰৰ এখন কলকাতা বিমানকোঠতে ৰখা হৈছে। বিজেপিৰ ৰথী-মহাৰথীসকলে হেলিকপ্টাৰৰে কৰা বিচৰণ বৃদ্ধি পোৱাৰ বাবে একাংশই মন্তব্য কৰিছে যে মমতা বাহিনীৰ ওপৰত দৰাচলতে মহাশক্তিশালী বিজেপিয়ে আকাশৰ পৰা ‘বোমা’হে বৰ্ষণ কৰিছে। উল্লেখ্য যে অহা ২৯ এপ্ৰিলৰ ৰাজ্যখনৰ দ্বিতীয় পৰ্যায়ৰ ভোটগ্রহণ অনুষ্ঠিত হ’ব। কাজেই প্ৰচাৰ অভিযান শাসক-বিৰোধীয়ে তীব্ৰতৰ কৰি তুলিছে।
কেন্দ্রীয় গৃহমন্ত্রী শ্বাহে পশ্চিমবংগকে একপ্ৰকাৰ বসতিস্থল কৰি তুলিছে। নিতৌ বিজেপিৰ তাৰকা প্ৰচাৰকৰ আগমন ঘটি আছে ৰাজ্যখনলৈ। হেলিকপ্টাৰত উঠি প্ৰচাৰত মগ্ন হৈছে এইসকল। আনকি অৱস্থা এনে হৈছে যে কেন্দ্রীয় মন্ত্রীয়ে নিজেই প্রট’কল ভংগ কৰিছে। কেন্দ্ৰীয় গৃহমন্ত্ৰীৰ বাবে যোগান ধৰা হেলিকপ্টাৰ প্রট’কল ভংগ কৰি পশ্চিমবংগৰ জ্যেষ্ঠ বিজেপি নেতা তথা কেন্দ্রীয় শিক্ষা আৰু উত্তৰ-পূব উন্নয়ন দপ্তৰৰ ৰাজ্যিক মন্ত্ৰী সুকান্ত মজুমদাৰক যোগান ধৰা হৈছে। ৰাজ্যখনৰ প্ৰথম পৰ্যায়ৰ ভোটগ্ৰহণৰ প্ৰচাৰত মজুমদাৰে অধিক সময় পাৰ কৰে উত্তৰ বংগত।
অহা ২৯ এপ্রিলত ভোটগ্রহণ হ’ব লগা দক্ষিণ বংগৰ নিৰ্বাচনক লৈ তেওঁ সম্প্রতি ব্যস্ত হৈছে। এনে অৱস্থাতে দলৰ তাৰকা প্ৰচাৰকৰ ভিৰ বৃদ্ধি পোৱাত শ্বাহৰ হেলিকপ্টাৰকে তেওঁক যোগান ধৰা হৈছে। কাৰণ দলৰ তাৰকা প্ৰচাৰকসকলে হেলিকপ্টাৰত উঠি প্ৰচাৰ অভিযান অব্যাহত ৰাখিছে। শনিবাৰে গৃহমন্ত্রী শ্বাহে প্রথমে পূর্ব বর্ধমানৰ জামালপুৰত তেওঁ ভাষণ দিয়ে। তাৰ পাছতে তেওঁ আবেলি হাওৰাৰ শ্যামপুৰত আন এখন জনসভাত অংশ লয়। এই জনসভাৰ পাছতে শ্বাহে ঢাপলি মেলে হাওৰাৰ ৰামৰাজযাটলা আৰু দক্ষিণ কলকাতাৰ ৰাণীকুঠিলৈ। উল্লেখ্য যে হেলিকপ্টাৰত যাত্ৰা কৰিলে কলকাতাৰ পৰা জামালপুৰলৈ আধা ঘণ্টা সময়ৰ প্ৰয়োজন হয়।
শ্বাহলৈ আবণ্টন দিয়া হেলিকপ্টাৰ শনিবাৰে পুৱাৰ পৰা দুপৰীয়া পর্যন্ত মন্ত্ৰী মজুমদাৰে ব্যৱহাৰ কৰে। আনহাতে, সূত্ৰই জনোৱা মতে প্রধানমন্ত্রী মোদীক বায়ুসেনাই যোগান ধৰা তিনিখন হেলিকপ্টাৰৰ দুখন সহায়কৰূপে ব্যৱহাৰ কৰি থকা হৈছে। প্ৰচাৰ অভিযান অন্ত পৰালৈ কলকাতা বিমানকোঠত এই দুখন হেলিকপ্টাৰ ৰখা হ’ব। অৰ্থাৎ মোদীৰ হেলিকপ্টাৰত কোনো বিজুতি ঘটিলে ইয়াৰ এখন হেলিকপ্টাৰ তেওঁ ব্যৱহাৰ কৰিব পাৰিব।
একেদৰে প্ৰতিৰক্ষা মন্ত্ৰী ৰাজনাথ সিং, বিজেপিৰ ৰাষ্ট্ৰীয় সভাপতি নীতিন নবীন, অসমৰ মুখ্যমন্ত্রী ড° হিমন্ত বিশ্ব শর্মা, প্রাক্তন কেন্দ্রীয় মন্ত্রী স্মৃতি ইৰানী আদিয়েও হেলিকপ্টাৰত উঠি দলীয় প্ৰচাৰ অভিযান অব্যাহত ৰাখিছে। আকাশৰ পৰা ভাহি অহা হেলিকপ্টাৰৰ গুমগুমনি শব্দই প্রায়ে জনতাৰ কাণ তাল মাৰিবলৈ ধৰিছে।