ডুমডুমা বাঘজানত অচিনাক্ত বন্দুকধাৰীৰ গুলীত এজন আহত

ডুমডুমা :ৰাজ্যত শাৰদীয় দুৰ্গা পূজা ব্যাপক প্ৰস্তুতি তুংগত হৈ উঠা সময়তে উজনি অসমৰ তিনিচুকীয়া জিলা ডুমডুমাৰ সমীপৰ বাঘজান আৰক্ষী থানা অন্তৰ্গত জকাইচুক গাঁৱত আজি সন্ধিয়া প্ৰায় ৮ বজাত বুদু মৰাণৰ পুত্ৰ জিতুল মৰাণ নামৰ এজন লোকক নিজ ঘৰত কোনো অচিনাক্ত বন্দুকধাৰীয়ে ঘৰতে গুলীয়াই গুৰুতৰ ভাবে আহত কৰে । এই লোকজনক কি কাৰণত এনেদৰে নিজৰ ঘৰতে গুলীয়াই থৈ যায় সেই বিষয়ে এতিয়াও জানিব পৰা হোৱা নাই । ইতিমধ্যে আহত লোকজনক চিকিৎসাৰ বাবে তিনিচুকীয়ালৈ প্ৰেৰণ কৰিছে । আনহাতে ঘটনাস্থলীত আৰক্ষী উপস্থিত হৈ তদন্ত আৰম্ভ কৰিছে । এই ঘটনাৰ পাছত এতিয়া গাঁওখনত এক চেপা উত্তেজনাই বিৰাজ কৰিছে ।
ৰন্টু নেওগ