ধূম্ৰপায়ী সকল সাৱধান!

চাৰিওদিশে ক’ৰনাক লৈ আতংকময় পৰিস্থিতি । এখনৰ পাছত আন এখন দেশ গ্ৰাস কৰিছে ক’ৰনাই । ক’ৰনাৰ সংক্ৰমণৰ পৰা হাত সাৰিবলৈ চৰকাৰে বাৰে বাৰে সজাগ কৰিছে জনতাক। ঠিক এই সময়তে বিশেষজ্ঞ চিকিৎসকৰ এটা দলে পোহৰলৈ আনিছে এটা বিশেষ তথ্য । ধূম্ৰপানৰ অভ্যাসে বৃদ্ধি কৰে ক’ৰনা ভাইৰাছত আক্ৰান্ত হোৱাৰ সম্ভৱনা । সমগ্ৰ বিশ্বত অতি কমেও ১২হাজাৰ লোক ক’ৰনা ভাইৰাছত আক্ৰান্ত হৈ মৃত্যু হৈছে । এই মৃত্যু হোৱা লোকৰ অধিকাংশ ই পুৰুষ । ‘চাইনিজ চেণ্টাৰছ অৱ ডিজিজ কণ্ট্ৰোল’ৰ পৰিসংখ্যা বিশ্লেষণ কৰি এই তথ্য প্ৰকাশ কৰিছে বিবিচিয়ে । ৪৪ হাজাৰ ৰোগীৰ তথ্য বিশ্লেষণ কৰি পোৱা মতে ২.৮ শতাংশ পুৰুষ,১.৭ শতাংশ মহিলা আৰু শিশুৰ সংখ্যা ০.২শতাংশ । মৃতকৰ ১৫ শতাংশ ই বয়স্ক লোক । এই বিষয়ত চিকিৎসক  সকলৰ দাবী বাহিৰলৈ ওলোৱা আৰু ঘনাই ধূম্ৰপান কৰাই ইয়াৰ অন্যতম  কাৰণ । এই ধৰণৰ ভাইৰাছৰ আক্ৰমণত ধূম্ৰপায়ী সকলৰ মৃত্যুৰ সংখ্যাই অধিক । গতিকে ধূম্ৰপান কৰা সকলে  বিৰত থাকক ধূম্ৰপান কৰাৰ পৰা ।