ক’ৰনা ভাইৰাছৰ সংক্ৰমনে সমগ্ৰ বিশ্বকে কম্পমান কৰি ৰখাৰ সময়তে কে’বাখনো দেশে চীনৰ বিৰুদ্ধে অতি নিম্ন মানৰ ক’ৰনা পৰীক্ষণৰ ‘টেষ্টিং কিট’ আৰু ‘মাস্ক ‘যোগান ধৰাৰ গুৰুতৰ অভিযোগ উত্থাপন কৰিলে । পূৰ্বে স্পেইন চৰকাৰে অভিযোগ কৰি কৈছিল যে চীনত তৈয়াৰী তিনি লাখ ৪০হাজাৰ টেষ্টিং কিট দেশ খনে ক্ৰয় কৰিছিল যদিও ইয়াৰে ৩০শতাংশ কিটহে কাৰ্যকৰী প্ৰমাণিত হৈছে । উল্লেখ্য যে, পূৰ্বে স্পেইন ফিনলেণ্ড আদি দেশে চীনে অতি নিম্নমানৰ টেষ্টিং কিট যোগান ধৰিছিল বুলি অভিযোগ কৰিছিল ।
চীনত তৈয়াৰ কৰা ২০লাখ ছাৰ্জিকেল মাস্ক আৰু দুই লাখ ৩০হাজাৰ ৰেছপিৰেটৰ মাস্ক আমদানি কৰা হৈছিল যদিও এইবোৰ অতি নিম্নমানৰ হোৱাৰ বাবে ব্যৱহাৰৰ উপযোগী নহ’ল। টৰেন্টোৱে ও টুইট যোগে চীনৰ বিৰুদ্ধে অভিযোগ কৰি কয় যে চীনৰ পৰা ২০ডলাৰ মূল্যৰ ৬২ হাজাৰ মূল্যৰ মাস্ক ব্যৱহাৰৰ উপযোগী নোহোৱাৰ বাবে চীনলৈ ওভতাই পঠায় । নেডাৰলেণ্ডছ চৰকাৰে প্ৰকাশ কৰা মতে, চীনৰ পৰা যোৱা মাৰ্চত ৬লাখ টেষ্টিং কিট ক্ৰয় কৰিছিল যদিও এইবোৰৰ সৰহ সংখ্যকে আছিল নিম্নমানৰ আৰু অকামিলা । বিশ্বৰ প্ৰায়বোৰ দেশে এইদৰে অতি নিম্ন মানৰ টেষ্টিং কিট আৰু মাস্ক যোগান ধৰা বাবে চীনক দোষাৰোপ কৰিছে ।
