নদুৱাৰ খণ্ডৰ প্ৰাথমিক শিক্ষক শিক্ষয়িত্ৰীয়ে প্ৰদান কৰিলে ৫,৬৫,৫৫৪ টকা

কৰ’না মহামাৰীয়ে ৰাজ্যৰ অৰ্থনৈতিক ব্যৱস্থা দুর্বল কৰি তোলাৰ সময়তে ৰাজ্যৰ বিভিন্ন অনুষ্ঠান-প্ৰতিষ্ঠান তথা ব্যক্তি বিশেষে অসম চৰকাৰৰ পুঁজিলৈ আর্থিক সাহায্য আগবঢ়াই আহিছে। আজি নদুৱাৰ খণ্ডৰ প্ৰাথমিক বিদ্যালয়ৰ শিক্ষক শিক্ষয়িত্ৰী সকলে অসম আৰোগ্য নিধিলৈ ৫,৬৫,৫৫৪টকা আগবঢ়াই। নদুৱাৰ খণ্ডৰ প্ৰাথমিক বিদ্যালয়ৰ শিক্ষক গোটৰ অন্যতম বিষয়ববীয়া জ্যোতি ভট্টাচাৰ্যই কয় যে এই দুৰ্যোগৰ সময়ত চৰকাৰখনক সহায় কৰাটো আমাৰ মহান দায়িত্ব। এই উদ্দেশ্যৰেই আমি অসম আৰোগ্য নিধিলৈ আমি প্ৰতিজন শিক্ষক শিক্ষয়িত্ৰীয়ে এদিনৰ দৰমহা আগবঢ়াইছোঁ। ভৱিষ্যতে প্ৰয়োজন হ’লে ৰাজ্য চৰকাৰখনক আমি সকলোধৰণৰ সহযোগিতা আগবঢ়াবলৈ প্ৰতিশ্ৰুতিবদ্ধ ।