“মন কি বাত”ৰ জৰিয়তে ১৩০ কোটি ভাৰতীয়ক সম্বোধন প্ৰধানমন্ত্ৰীৰ

দেশত অব্যাহত থকা দ্বিতীয় পৰ্যায়ৰ তলাবন্ধৰ মাজতে দেওবাৰে দেশৰ প্ৰধানমন্ত্ৰী নৰেন্দ্ৰ মোডীয়ে ১৩০ কোটি ভাৰতীয়ক “মন কি বাত”ৰ জৰিয়তে সম্বোধন কৰি ক’ভিড-১৯ ভাইৰাছৰ সংক্ৰমণৰ বাবে সকলোৱে একেলগে যুঁজ অব্যাহত ৰাখিছে বুলি উল্লেখ কৰে। তেওঁ এই দুৰ্যোগৰ সময়ত কৃষকে নিজৰ খেতিৰ সামগ্ৰী দৰিদ্ৰজনক বিতৰণৰ সামান্তৰালভাৱে বহু লোকে নিজক কামৰ দ্বাৰা লাভ কৰা পুৰস্কাৰ প্ৰধানমন্ত্ৰীৰ সাহায্য পুঁজিত দান কৰিছে বুলি মত ব্যক্ত কৰে|  এই ‘মন কি বাত’ অনুষ্ঠানৰ শেষত ৰাজ্যৰ মুখ্যমন্ত্ৰী সৰ্বানন্দ সোণোৱালে কয় যে এই অনুষ্ঠানৰ জৰিয়তে ক’ভিড-১৯ প্ৰতিৰোধী যুঁজত  প্ৰধানমন্ত্ৰী  নৰেন্দ্ৰ মোদী ডাঙৰীয়াই আমাক সন্মুখৰপৰা দিয়া নেতৃত্ব আৰু তেখেতে দেখুওৱা দূৰদৰ্শিতা পুনৰবাৰ সবল ৰূপত প্ৰতিফলিত হ’ল |