হেপী বাৰ্থডে অনুস্কা শৰ্মা 

আজি বলীউডৰ অভিনেত্ৰী অনুস্কা শৰ্মাৰ জন্মদিন ৷ গতিকে জন্ম দিনত অভিনেত্ৰী অনুস্কালৈ অনেক শুভকামনা ৷ ১৯৮৮ ৰ  ১ মে’ত অৰ্থাৎ আজি উত্তৰ প্ৰদেশৰ অযোধ্যাত জন্ম গ্ৰহণ কৰিছিল বলীউডৰ অভিনেত্ৰী অনুস্কা শৰ্মাই ৷ বেংগালুৰুত ডাঙৰ হোৱা অনুস্কাই আৰ্মী স্কুল আৰু মাউণ্ট কাৰ্মেল স্কুলত শিক্ষা গ্ৰহণ কৰিছিল। বলীউডত নিজৰ অভিনয় জীৱন আৰম্ভ কৰাৰ পিছত অনুস্কাই ক্ৰিকেটাৰ বিৰাট কোহলীৰ লগত বিবাহ পাশত আৱদ্ধ হয়। দুয়োজনৰ লভ ষ্ট’ৰী কিন্তু সকলোৱে জনা নাছিল ।

আহক জানো অনুস্কা আৰু বিৰাটৰ  কিছুমান উল্লেখযোগ্য দিশঃ

• ২০১৫ ৰ পৰা অনুস্কা আৰু বিৰাট প্ৰেমৰ সম্পৰ্কত আছিল যদিও,সকলোৰে পৰা লুকুৱাই ৰাখিছিল। 
• প্ৰায় দুবছৰ প্ৰেমৰ সম্পৰ্কত থকাৰ পিছত সকলো অনুৰাগীক আচৰিত কৰি হঠাতে ২০১৭ ত তেওঁলোক বিবাহ পাশত আৱদ্ধ হয়৷
• বিৰাট কোহলীয়ে প্ৰায়ে প্ৰেমিকা তথা পত্নী অনুস্কাক লৈ ছ’চিয়েল মিডিয়াত বিভিন্ন প’ষ্ট দি থাকে। বিৰাটৰ  অনুসৰি অনুস্কা তেওঁৰ কাৰণে বহুত ভাগ্যশালী ।কাৰণ যেতিয়াই বিৰাটৰ লগত অনুস্কা থাকে ৷তেতিয়াই বিৰাটৰ জীৱনলৈ বিভিন্ন সুখবৰ আহে ৷
• এক সাক্ষাৎকাৰত বিৰাটে কয় যে ভাৰতীয় দলৰ অধিনায়ক হিচাপে নিৰ্বাচিত হওতে লগত অনুস্কাও আছিল। আৰু সেই সময়ত বিৰাটে অনুস্কাৰ সন্মুখতেই কান্দি দিছিল।
• 
• অন্যহাতে ২০০৭ ত অনুস্কা মুম্বাইলৈ আহিছিল এগৰাকী প্ৰতিষ্ঠিত মডেল হ’বলৈ ৷কিন্তু ভাগ্যৰ চকৰিয়ে অনুস্কাক বলীউডৰ এগৰাকী প্ৰতিষ্ঠিত অভিনেত্ৰী হিচাপে গঢ় দিয়ে ৷কাৰণ আজি প্ৰত্যেকজন চলচ্চিত্ৰপ্ৰেমীৰ মুখে মুখে উচ্চাৰিত হয় অনুস্কা শৰ্মাৰ নাম ৷
• বলীউডৰ বাদশ্বাহ শ্বাহৰূখ খানৰ লগত “ৰব নে বনা দী যোৰী” ছবিৰে অনুস্কাই অভিনয় জীৱনৰ পাতনি মেলে ৷
• বলীউডত কোনো গড ফাডাৰ নোহোৱাকৈয়ে অনুস্কাই প্ৰথমখন ছবিৰ জৰিয়তে জনপ্ৰিয়তা অৰ্জন কৰে ।
• ইয়াৰ পিছত অনুস্কাই বেণ্ড বাজা বাৰাত,পাটিয়ালা হাউচ,লেডী ৱাৰ্চাচ ৱিকী বেহেল,জব তক হ্যে জান,পি কে,এ দিল হ্যে মুছকিল আদি ছবিত অভিনয় কৰে ।
• অনুস্কাই এন এইচ১০ ৰ দ্বাৰা পৰিচালনা কৰাৰ লগতে ছবিখনত অভিনয়ো কৰে। 
• মডেলিং, অভিনেত্ৰীৰ উপৰিও অনুস্কা শৰ্মা এগৰাকী প্ৰকৃতি তথা জীৱ জন্তু প্ৰেমী। নিৰামিষ ভোজী অনুস্কাই বহু ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত জীৱ জন্তুৰ কাৰণে কাম কৰি আছে। যাৰ কাৰণে বহু পুৰস্কাৰৰে পুৰস্কৃত কৰা হৈছে অনুস্কা শৰ্মাক ।