অনুৰাধা চিনেমা হ’লৰ কাষৰ পৰা যোৱাৰ পাছতেই কাঁহত ভুগিছিল কৰ’নাত আক্ৰান্ত বৰদা’ই

মন্ত্ৰী ড০ হিমন্ত বিশ্ব শৰ্মাৰ সংবাদমেল | বৃহস্পতিবাৰে গুৱাহাটীত চিনাক্ত হোৱা তৃতীয়জন ৰোগী খাৰঘূলি পাহাৰৰ জিএমডিএৰ পানী টেংকীৰ কাষৰ বৰদা দাস | অনুৰাধা চিনেমা হ’লৰ জীয়েকৰ ঘৰৰ পৰা ছয় মে’ত ঘৰলৈ যোৱা পাছত ভুগিছিল কাঁহত | ওচৰ-চুবুৰীয়াকো বিচাৰিছিল কাঁহৰ দৰব | নিশা তেওঁৰ দেহত ডায়েৰিয়াৰ লক্ষণ দেখাত মহেন্দ্ৰ মোহন চৌধুৰী চিকিৎসালয়ত ভৰ্তি কৰোৱা হয় আৰু তাৰ পাছত জিএমচিএইচত ভৰ্তি কৰোৱাই | নিশাই নমুনা সংগ্ৰহ কৰাৰ পাছত বৃহস্পতিবাৰে দেহত কৰ’নাৰ উপস্থিতি ধৰা পৰে | ইফালে, মহানগৰীত বৃহস্পতিবাৰে কৰ’নাত আক্ৰান্ত হোৱা দেৱৰাজ আশ্চৰ্য বাইহাটা চাৰিআলিৰ মদনপুৰৰ বাসিন্দা | কোম্পানীত কৰ্মৰত যুৱকজনে শিলিগুৰিৰ পৰা মেদিনাপুৰলৈ গৈছিল | তাত কে’বাদিনো কটাই যোৱা ছয় মে’ত সৰুসজ্জাইত উপস্থিত হৈছিল | তেওঁৰ লগত অহা অন্য দুজনৰ দেহত কৰ’না উপস্থিতি ধৰা নপৰে যদিও দেৱৰাজ কৰ’নাত আক্ৰান্ত হয় |