প্ৰয়াত অভিনেতা সুশান্ত সিং ৰাজপুতৰ মৰণোত্তৰ পৰীক্ষাৰ ফাইনেল ৰিপৰ্টত অভিনেতাজনৰ মৃত্যুৰ সন্দৰ্ভত স্পষ্টীকৰণ দিলেও কিন্তু আৰক্ষীৰ তদন্ত অব্যাহত আছে । ইতিমধ্যে আৰক্ষীয়ে শেখৰ কাপুৰক জেৰা কৰাৰ পিছতেই প্ৰযোজক, পৰিচালক সঞ্জয় লীলা ভাঞ্চালী আৰু কংগনা ৰানাউটকো বান্দ্ৰা আৰক্ষীয়ে জেৰা কৰাৰ সম্ভাৱনা প্ৰকট হৈ পৰিছে ৷ কাৰণ বিহাৰত সুশান্তৰ আত্মহত্যাৰ প্ৰসংগত এজাহাৰ দাখিল কৰা সকলৰ ভিতৰত সঞ্জয় লীলা ভাঞ্চালীও অন্যতম আছিল । এক বিশেষ সূত্ৰৰ মত অনুসৰি সুশান্তক প্ৰথমতে “গোলিয়ো কে ৰাসলীলা, ৰামলীলা”ত অভিনয়ৰ কাৰণে প্ৰস্তাৱ আহিছিল । কিন্তু ছবিখন দৃশ্য গ্ৰহণ কৰাৰ আগমূহূৰ্তত সুশান্তৰ পৰা ছবিখন লৈ লোৱা হয়।
এই সন্দৰ্ভতে ভাঞ্চালীৰ লগত আৰক্ষীয়ে মতবিনিময় কৰিব ৷ উল্লেখযোগ্য যে সুশান্তে বলীউডৰ বহু নামী দামী প্ৰজেক্ট নিপ’টিজমৰ কাৰণে হেৰুৱাইছিল ৷ ইফালে সুশান্তৰ আত্মহত্যাৰ লগত শেখৰ কাপুৰ আৰু কংগনাৰ কোনো সম্পৰ্ক নাছিল । কিন্তু এই দুয়োজনেই সুশান্তৰ বলীউডত কৰা বহু ষ্ট্ৰাগ’ল কথা শ্বেয়াৰ কৰি আছিল ছ’চিয়েল মিডিয়াত ৷ কংগনাই বলীউডত চলি অহা নিপ’টিজমৰ বিৰুদ্ধে বহু ভিডিঅ’ শ্বেয়াৰ কৰিছে ৷ সেয়েহে আৰক্ষীয়ে দুয়োজনকে তদন্ত কৰিব । ইফালে বলীউডৰ অভিনেতা সুশান্ত সিং ৰাজপুতে ১৪ জুনত আত্মহত্যা কৰে । এই সন্দৰ্ভত আৰক্ষীয়ে এতিয়ালৈকে ৩০ জনক জেৰা কৰিছে।
