বিপিএফৰ এম চি এল এ ফনীন্দ্ৰ বসুমতাৰীৰ বিস্ফোৰক মন্তব্য

‘নিৰ্বাচনৰ পিছত সাংসদ নৱ শৰণীয়া আৰু প্ৰমোদ বড়োৱে যোগ দিব বিজেপি দলত। সাহস আছে যদি প্ৰমোদ বড়োৱে বিধানসভা নিৰ্বাচনত বৰমা সমষ্টিত প্ৰতিদ্বন্দিতা কৰক’, এই মন্তব্য প্ৰাক্তন এম চি এল এ ফনীন্দ্ৰ বসুমতাৰীৰ । বাগানপাৰা সমষ্টিৰ অন্তৰ্গত জোপাদঙত অনুষ্ঠিত এখন সভাত প্ৰাক্তন এমচিএলএ তথা বিপিএফৰ প্রাৰ্থী গৰাকীয়ে কয় যে, গণ সুৰক্ষা পাৰ্টী আৰু ইউ পি পি এলৰ মাজত গোপন বুজাবুজি আছে । দুয়োটা দলে ভিতৰি ভিতৰি বুজাবুজি কৰিয়েই প্ৰাৰ্থীত্ব প্ৰদান কৰিছে ।

লগতে কয় যে, এবছুৰ সভাপতি হৈ থাকোতে প্ৰমোদ বড়োৰ এটা ফোন কলতেই হাজাৰ হাজাৰ মানুহ ওলাই আহিছিল । গতিকে, ৰাজনীতিত আহিলে আগৰ দৰে বড়ো ৰাইজ তেওঁৰ লগত থাকিব বুলি ভাবিয়েই ৰাজনীতিত ভৰি দিছে । তেওঁৰ সপোন বাস্তৱত পৰিণত নহ’ব বুলি কৈ প্ৰমোদ বড়োক কটাক্ষ কৰে বিপিএফৰ প্রাৰ্থীজনে।