আধাৰ কেন্দ্ৰত অভিযান মৰিগাঁও জিলা প্ৰশাসনৰঃ আটক এজন

মৰিগাঁও জিলা প্ৰশাসনে দক্ষিণ ধৰমতুল গাঁও পঞ্চায়তস্থিত আধাৰ কেন্দ্ৰত আজি এক আকস্মিক অভিযান চলায় । অভিযানকাৰী দলটোৱে আধাৰ কেন্দ্ৰৰ কম্পিউটাৰ অপাৰেটৰ হাফিজুৰ ৰহমানক জিলা উপায়ুক্ত লীনা দাসৰ নিৰ্দেশত গ্ৰেপ্তাৰ কৰিবলৈ সক্ষম হয় । অৱশ্যে অন্য এজন অভিযুক্ত এতিয়াও পলাতক অৱস্থাত আছে ।

আনহাতে এই ঘটনাৰ লগত জড়িত পলাতক অভিযুক্তজনক শীঘ্ৰেই গ্ৰেপ্তাৰ কৰিবলৈ নিৰ্দেশ দিয়ে জিলা উপায়ুক্তই । জিলা উপায়ুক্ত লীনা দাসৰ নেতৃত্বত যোৱা অভিযানকাৰী দলটোত জিলা আৰক্ষী অধীক্ষক ড° নন্দ সিং বৰকলাৰ লগতে মৰিগাঁও জিলা ৰাজহ চক্ৰৰ চক্ৰ বিষয়া মুনমী কলিতা আৰু স্থানীয় আৰক্ষী বিষয়াসকলে সহযোগ কৰে ৷