বিটিচি নিৰ্ব্বাচনৰ দিন চমু চাপি অহাৰ লগে লগে ৰাজনৈতিক দল সমুহৰ তৎপৰতা বৃদ্ধি পাইছে। ৰাজনৈতিক বোকাছটিওৱা বৃদ্ধি পাইছে । বিটিচিৰ মূল ৰাজনৈতিক দল বিপিএফ- ইউপিপিএলৰ সমান্তৰালকৈ তৎপৰ হৈ পৰিছে কংগ্ৰেছ, বিজেপি, এআইইউডিএফসহ অন্যান্য ৰাজনৈতিক দল। আজি চিৰাঙৰ ভাৰত-ভূটান সীমান্তৰ ১৬ নং নিচিমা পৰিষদীয় সমষ্টীৰ ঔগুৰিত অনুষ্ঠিত বিপিএফ দলৰ এক নিৰ্ব্বাচনি সভাত অংশগ্ৰহণ কৰি মন্ত্ৰী চন্দন ব্ৰহ্মই কয়, অসমৰ অতিকে পিচপৰা অঞ্চল আছিল বিটিচি আৰু হাগ্ৰামা মহিলাৰীৰ নেতৃত্বত বিপিএফ দলে আজি বিটিচিক বিশ্ব দৰবাৰলৈ উন্নিত কৰিবলৈ সক্ষম হৈছে । আজি বিটিচি নিৰ্ব্বাচন অসম বিধান সভা নিৰ্ব্বাচনৰ আধাৰ হৈ পৰিছে। বিটিচিৰ উন্নয়ণত সংকিত হৈছে বিৰোধি সকল।
বিৰোধি ইউপিপিএল দলে বিপিএফৰ বিৰুদ্ধে দুৰ্ণীতিৰ অভিযোগ আনিছিল যদিও ৰাজ্যপাল শাসনৰ সাত মাহে একো দুৰ্ণীতিৰ প্ৰমাণ কৰিব নোৱাৰিলে। আচলতে প্ৰমোদ বড়োক কেৱল ক্ষমতা আৰু টকা লাগে । তেওঁ বিটিচি নিৰ্ব্বাচনত ট্ৰেক্টৰ কোম্পানীৰ বিজ্ঞাপন এজেন্ট হিচাপে টকাৰ কমিচনৰ বিনিময়ত কাম কৰি আছে বুলিও কয় মন্ত্ৰীজনে । মন্ত্ৰী ব্ৰহ্মই কয়, ‘বিজেপি ইউপিপিএল দলে বহু চেষ্টা কৰিও বিফল হোৱাত আত্ম বিশ্বাস হেৰুৱাই পেলাইছে। বিটিচিত দুয়োটা দলে বিটিচি ৰাইজক প্ৰতাৰণা কৰিলে। বিটিচিৰ কেবাটাও সমষ্টি বিজেপি ইউপিপিএলে এটাই আনটোক এৰিছে।
আমি বিপিএফে আনৰ লগত লগ হৈ নিৰ্ব্বাচন খেলাৰ কথা ভৱা নাই কাৰণ ৰাইজ আছে বিপিএফ দলৰ স’তে । সেয়ে বিপিএফৰ চিন্তা নাই অনায়াসে বিটিচি পৰিষদ গঠন কৰিব হাগ্ৰামা মহিলাৰীয়ে । ৰাইজ আমাৰ শক্তি আমি কোনো ৰাষ্ট্ৰীয় দলৰ লগত থাকি বিটিচি বাসীক প্ৰতাৰণা কৰি ক্ষমতা দখলৰ বাবে নিৰ্ব্বাচন খেলা নাই আমি বিটিচিৰ ৩৫ লাখ জনসাধাৰণৰ উন্নয়ণৰ বাবে ৰাজনীতি কৰিছো । বিজপিয়ে কোকৰাঝাৰত নকৰি দিছপুৰ বা দিল্লীত নকৰক কিয় ইয়াৰ কোনো প্ৰভাৱ নপৰিব বিটিচিত। বিটিচি ৰাইজে বিজেপিক গ্ৰহণ নকৰে ।
বিপিএফৰ প্ৰাৰ্থী জেমচ বসুমতাৰীয়ে কয়, ‘বিটিচি নিৰ্ব্বাচনত বিজেপি-ইউপিপিএলে ঠায়ে ঠায়ে সমষ্টি ভাগ কৰি লৈ নিৰ্ব্বাচনত নামিছে ইয়াৰ কোনো প্ৰভাৱ নপৰিব বিপিএফৰ। নিচিমা সমষ্টিত ইউপিপিএলৰ যিজন এমচিএলএ আছিল তেওঁ যোৱা পাঁচ বছৰত কোনো উন্নয়ণৰ কাম কৰিব নোৱাৰা বাবেই আজি ৰাইজে তেওঁক বিচৰা নাই আৰু দলে বলে সকলো জাতি-জনগোষ্ঠিৰ লোকে বিপিএফ দলৰ পিনে ঢাল খাইছে আজিৰ সভাখনত বিপিএফৰ কেবাজনো নেতা উপস্থিত থকাৰ লগতে ধৰ্মীয় সংখ্যালঘু পৰিষদৰ কেন্দ্ৰীয় সভাপতি আব্দুল আওৱালো উপস্থিত।
