শীতকালীন বাগদাৰ বিভিন্ন অঞ্চলত কৃষিভূমিত নৰা জ্বলোৱা কাম আৰম্ভ হৈছে । সচৰাচৰ শীতকালীন কৃষকসকলে ধান ছপাই অনাৰ পাছত নৰা জ্বলাই দিয়ে । ফলত ভূমি পৰিষ্কাৰ হোৱাৰ লগতে জৈৱিক সাৰ হিচাপেও ব্যৱহৃত হয় । কিন্তু বহু পৰিমাণে নৰা জ্বলোৱাৰ ফলত ধোঁৱাই ঢাকি ধৰাত প্ৰদূষণৰো সৃষ্টি হয় ।
বিগত বৰ্ষত কৰ’না অতিমাৰীৰ বাবে প্ৰদূষণ ৰোধ কৰিবলৈ দূৰ্গাপূজা আৰু দীপান্বিতাত আতচবাজীত নিষেধাজ্ঞা জাৰি কৰিছিল উচ্চতম ন্যায়ালয়ে । আতচবাজী বহু পৰিমাণে নিয়ন্ত্ৰণ কৰিব পৰা গৈছিল । কিন্তু কৃষিভূমিত নৰা জ্বলোৱা কাৰ্য অব্যাহত আছে ।
কৃষকসকলৰ দাবী বহুদিনৰ পৰাই নৰা জ্বলোৱা কাৰ্য চলি আহিছে । নৰা জ্বলোৱাৰ ফলত জৈৱিক সাৰৰ সৃষ্টি হোৱাৰ লগতে বহু ধৰণৰ কীট-পতংগও নাশ হয় ।
কৃষি বিশেষজ্ঞ দীপাংকৰ সাহাই কয়, ‘নৰা জ্বলোৱাৰ ফলত প্ৰভূত পৰিমাণে বায়ু প্ৰদূষণ হয় । ভূমিত জৈৱিক সাৰ উৎপন্ন হয়, কিন্তু পৰিৱেশ প্ৰদূষণৰ মাত্ৰা অত্যাধিক । সেয়ে আমি কৃষকসকলক নৰা নজ্বলাবলৈ পৰামৰ্শ দিওঁ ।’
কিছুসংখ্যক কৃষকৰ মাজত এই সন্দৰ্ভত সচেতনতাও পৰিলক্ষিত হৈছে । বাগদাৰ চৰমণ্ডল গাঁৱৰ কৃষক সুভাষ ঘোষে কয়, ‘সম্প্ৰতি কিছুসংখ্যক কৃষকে নৰা জ্বলোইছে কিন্তু বহুতেই নৰা জ্বলোৱা বন্ধ কৰি দিছে । পূৰ্বে আমাৰ ধাৰণা আছিল, ইয়াৰ ফলত ভূমিৰ উপকাৰ হয় । কিন্তু আমি এতিয়া বুজিছো যে উপকাৰতকৈ বেছি ক্ষতি হয় ।’