বাগসা জিলাৰ শালবাৰীৰ লাবদাংগুৰি আৰক্ষী চকীৰ অন্তৰ্গত দক্ষিণ খাৰিজা বিজনী হাইস্কুলৰ সমুখত এক ভয়ংকৰ পথ দুৰ্ঘটনা সংঘটিত হয়৷দ্ৰুতবেগী টেক্টৰে মহতিয়াই থৈ যায় এজন বাইক আৰোহীক ৷
গুৰুতৰভাবে আঘাতপ্ৰাপ্ত বাইক আৰোহী মিজানুৰ ৰহমানৰ ঘৰ বৰপেটা জিলাৰ বগৰীগুৰী গাঁওত৷ দক্ষিণ খাৰিজা বিজনী হাইস্কুলখনৰ সমুখৰ পথত গতিৰোধকৰ ব্যৱস্থা নথকাৰ বাবেই দুৰ্ঘটনাটো সংঘটিত হোৱাৰ অভিযোগ উত্থাপন কৰে স্থানীয় ৰাইজ আৰু বিদ্যালয় কতৃপক্ষই৷
ৰাইজৰ লগতে বিদ্যালয়ৰ ছাত্ৰ-ছাত্ৰীৰ সুৰক্ষাৰ স্বাৰ্থত দক্ষিণ খাৰিজা বিজনী হাইস্কুলৰ সমুখত গতিৰোধক স্থাপন কৰাৰ দাবী জনায় বিদ্যালয় কতৃপক্ষ আৰু স্থানীয় ৰাইজে৷উল্লেখ্য যে দুৰ্ঘটনা সংঘটিত কৰিয়েই ট্ৰেক্টৰসহ পলায়ন কৰে চালক৷
ৰাইজৰ সহযোগত দুৰ্ঘটনাত গুৰুতৰভাৱে আহত লোকজনক ততাতৈয়াকৈ বৰপেটাস্থিত ফকৰ উদ্দিন আলী আহমেদ চিকিৎসা মহাবিদ্যালয়লৈ প্ৰেৰণ কৰা হয়৷
