অসম বিধানসভা নিৰ্বাচনৰ বাবে সাজু হৈছে কাৰ্বি আংলং জিলা প্ৰশাসন

কাৰ্বি আংলং উপায়ুক্ত কাৰ্যালয়ে পৰিচালনা কৰিব ১৮নং হাওৰাঘাট আৰু ১৯নং ডিফু বিধানসভা সমষ্টিৰ নিৰ্বাচন।

আজি বিয়লি ডিফু আৱৰ্ত ভৱনত সংবাদ মেল আয়োজন কৰি এই সন্দৰ্ভত বিভিন্ন তথ্য প্ৰদান কৰে ৰিটাৰ্ণিং বিষয়া তথা উপায়ুক্ত চন্দ্ৰধ্বজ সিনহাই।

১৯৫টা ভোটকেন্দ্ৰ থকা হাওৰাঘাট সমষ্টিৰ মুঠ ভোটাৰৰ সংখ্যা ১৩১৮১৭টা, ইয়াৰে পুৰুষ ভোটাৰ ৬৫৪৬৭ আৰু মহিলা ভোটাৰ ৬৬৩৪৯, অন্যান্য এক।

৩০৫টা ভোটকেন্দ্ৰ থকা ডিফু সমষ্টিত মুঠ ভোটাৰৰ সংখ্যা ১৯৭০২৫টা, ইয়াৰে পুৰুষ ভোটাৰ ৯৮৮০২ আৰু মহিলা ভোটাৰ ৯৮২১৫, অন্যান্য আঠ।