প্ৰতিষেধক গ্ৰহণ কৰাৰ পাছতো কৰ’না আক্ৰান্ত হ’ল জম্মু-কাশ্মীৰৰ প্ৰাক্তন মুখ্যমন্ত্ৰী তথা লোকসভাৰ সাংসদ ফাৰুক আব্দুল্লাহ । মংগলবাৰে পুত্ৰ অমৰ আব্দুল্লাহই টুইট কৰি জনায় যে, তেওঁৰ পিতৃৰ কৰ’না পৰীক্ষণৰ ৰিপ’ৰ্ট পজিটিভ । শৰীৰত কৰ’নাৰ উপসৰ্গও পৰিলক্ষিত হৈছে ।
নেছনেল কনফাৰেন্সৰ প্ৰধান ফাৰুকে যোৱা দুই মাৰ্চত শ্ৰীনগৰৰ এখন চিকিৎসালয়ত কৰ’না প্ৰতিষেধকৰ প্ৰথম ডোজ গ্ৰহণ কৰিছিল । কিছুদিনৰ পাছতে তেওঁ দ্বিতীয় ডোজ গ্ৰহণ কৰিবলগীয়া আছিল । ইয়াৰ পূৰ্বেই তেওঁ ক’ভিড আক্ৰান্ত হয় । নেছনেল কনফাৰেন্সৰ নেতা অমৰে টুইটাৰত এই সংবাদ জনায় লিখে, তেওঁ আৰু তেওঁৰ পৰিয়ালবৰ্গই ইতিমধ্যে নিজ গৃহতে কুৱাৰেণ্টাইনত আছে । তেওঁলোকৰ ক’ভিড পৰীক্ষণ নোহোৱালৈকে তেওঁলোক কুৱাৰেণ্টাইনতে থাকিব ।
My father has tested positive for COVID-19 & is showing some symptoms. I will be self-isolating along with other family members until we get ourselves tested. I request anyone who has come in to contact with us over the last few days to take all the mandated precautions.
— Omar Abdullah (@OmarAbdullah) March 30, 2021
মংগলবাৰে পুৱা প্ৰায় ন বজাত অমৰে টুইট কৰে, ‘মোৰ পিতৃৰ ক’ভিড পৰীক্ষণৰ ৰিপ’ৰ্ট পজিটিভ আহিছে । তেওঁৰ শৰীৰত কৰ’নাৰ উপসৰ্গও পৰিলক্ষিত হৈছে । মই আৰু মোৰ পৰিয়ালবৰ্গই ইতিমধ্যে কুৱাৰেণ্টাইনত আছো । যেতিয়ালৈ আমাৰ ক’ভিড পৰীক্ষণ নহয় । মোৰ অনুৰোধ, সম্প্ৰতি যিসকলে মোৰ সংস্পৰ্শত আহিছে তেওঁলোকেও জৰুৰী সতৰ্কতাসমূহ মানি চলক ।’
Thank you to the doctors, nurses and staff at SKIMS, Srinagar. Today my 85 year old father & my mother had their first COVID jab. My father has a number of health issues including being on immunosuppressants for a kidney transplant. If he can get the vaccine, you should as well. pic.twitter.com/V6yo1zyuGR
— Omar Abdullah (@OmarAbdullah) March 2, 2021
প্ৰাক্তন মুখ্যমন্ত্ৰী ফাৰুকৰ বয়স ৮৪ বছৰ । কিছুদিন পূৰ্বে তেওঁৰ বৃক্ক প্ৰতিষ্ঠাপন হৈ গৈছে । প্ৰথম পৰ্যায়ৰ টিকাকৰণৰ অগ্ৰাধিকাৰৰ ভিত্তিত প্ৰতিষেধক প্ৰদান কৰা হৈছিল সত্তোৰ্ধ্ব নাগৰিকসকলক । যোৱা দুই মাৰ্চত শ্ৰীনগৰৰ সেৰ-ই-কাশ্মীৰ ইনষ্টিটিউট অৱ মেডিকেল ছাইন্সত প্ৰতিষেধক গ্ৰহণ কৰিছিল প্ৰাক্তন মুখ্যমন্ত্ৰীগৰাকীয়ে আৰু তেওঁৰ পত্নীয়ে । টুইট কৰি প্ৰতিষেধক গ্ৰহণ কৰাৰ তথ্যও জনাইছিল অমৰে ।
