অসম বিধানসভা নিৰ্বাচনৰ দিন যিমানেই চমু চাপি আহিছে সিমানেই তৎপৰতা বাঢ়িছে বিভিন্ন ৰাজনৈতিক দলসমূহৰ । তৃতীয় পৰ্যায়ৰ নিৰ্বাচনৰ মাজত মাথো কেইটামান দিন । ইতিমধ্যে তুংগত উঠিছে সকলো ৰাজনৈতিক দলৰ নিৰ্বাচনী প্ৰচাৰ।
২৯ নং পশ্চিম কোকৰাঝাৰ বিধানসভা সমষ্টিৰ অধিন চৌতাৰা বোৱালকামাৰীত বিজেপি-ইউপিপিএলৰ এক নিৰ্বাচনী সভা অনুষ্ঠিত হয় । এই প্ৰচাৰ সভাত এক শতাধিক পুৰুষ মহিলাই বিপিএফ, জি এছ পি আদি দল ত্যাগ কৰি আনুষ্ঠানিকভাৱে বিজেপি দলত যোগদান কৰে ।
উক্ত সভাত কোকৰাঝাৰ জিলা বিজেপিৰ উপসভাপতি শান্তিৰাম বৰ্মন, জিলা সম্পাদক মানস প্ৰতীম ৰায় , বিদ্যাসাগৰ বসুমাতাৰী , ৰাজেন্দ্ৰ বসুমাতাৰী , ফকিৰাগ্ৰাম মণ্ডল সভাপতি মনোজ ৰায় , কচুগাও মণ্ডলৰ সভাপতি সিদ্ধাৰ্থ নাৰ্জাৰী আদিৰ লগতে কোকৰাঝাৰ পশ্চিম জনজাতি সমষ্টিৰ ইউপিপিএল দলৰ প্ৰাৰ্থী মনোৰঞ্জন ব্ৰহ্মৰ উপৰিও বিটিচিৰ প্ৰাক্তন ইএম ৰেওৰেওয়া নাৰ্জীহাৰী, আদি উপস্থিত থাকে ।
কোকৰাঝাৰ জিলাৰ বিজেপিৰ উপসভাপতি শান্তিৰাম বৰ্মনে নতুনকৈ যোগদান কৰা সকলক আদৰণি জনায় আৰু দলৰ হৈ কাম কৰি মিত্ৰদলৰ সমৰ্থীত ইউপিপিএলৰ প্ৰাৰ্থী মনোৰঞ্জন ব্ৰহ্মক বিপুল ভোটত জয়ী কৰিবৰ বাবে আহ্বান জনায় ।
